اسلام آباد۔13جنوری(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے 190 م??ین پائونڈ میگا کرپشن اتفاق کائنی بلکہ سوچا سمجھا منصوبہ ہئی۔ اڄ کیس دا فیصلہ تھیوݨا ہئی لیکن ملزمان عدالت اچ پیش کائنی تھئے ، انہاں عدالتاں اچ پیش نہ تھیوݨ دی عادت بݨا ڳھدی اے ، فارن فنڈنگ کیس اچ چھی سال تئیں غیر حاضری اتے تاخیری حربے استعمال ک??تے، توشہ خانہ کیس اچ وی تاخیری حربے استعمال ک??تے، کݙاہیں وکیل بدالیے تے کݙاہیں وکالت نامے، بے گناہ لوک کݙاہیں وکالت نامے اتے وکیل نی بدلیندے ، عدالتی کیساں اچ تاخیری حربے استعمال کرݨ انہاں دا وطیرہ رہیے ۔ پی ٹی وی ہیڈ کوارٹرز اچ مسلم لیگ (ن) دے سینئر رہنما سینیٹر طلال چوہدری دے رلے پریس کانفرنس توں خطاب کریندے وفاقی وزیر اطلاعات آکھیے 190 م??ین پائونڈ کیس دا اڄ فیصلہ تھیوݨا ہئی لیکن ملزمان اڄ عدالت اچ پیش کائنی تھئے ۔ انہاں عدالتاں اچ پیش نہ تھیوݨ دی عادت بݨا ڳھدی اے ، ماضی اچ فارن فنڈنگ کیس اچ 6سال تئیں غیر حاضری اتے تاخیری حربے استعمال ک??تے ڳئن ، توشہ خانہ کیس اچ وی انہاں تاخیری حربے استعمال ک??تے ، کݙاہیں وکیل بدالیے تے کݙاہیں وکالت نامے بدالیے ۔ ݙو ݙو مہینے دیاں تاریخاں گھنݨ ، میڈیکل سرٹیفکیٹ جمع کراوݨ ، ایجھے حربے اچ بانی چیئرمین پی ٹی آئی پی ایچ ڈی کیتی ہوئی اے ، انہاں آکھیے بے گناہ لوک کݙاہیں وکالت نامے اتے وکیل نی بدلیندے ، عدالتی کیساں اچ تاخیری حربے استعمال کرݨ پی ٹی آئی دا وطیرہ رہیے۔ وفاقی وزیر آکھیے 190 م??ین پائونڈ کیس اچ انہاں ڈاکہ زنی دے ذریعے پیسے گھن تے ݙوجھے کوں جمع کرائے۔ انہاں سوال چاتے کیا کابینہ دے اندر بند لفافہ گھن ونڄݨ دی کیا لوڑھ ہئی ، بند لفافہ او گھن تے ??ین??ے جیں کوں ݙر ہووے جے اے کھل ڳیا تاں ایں تے کوئی اتفاق نہ کریسی جو اتنا وݙا ڈاکہ ماریا ??ین??ا پئے ، پی ٹی آئی دور دی کابینہ 190 م??ین پائونڈ دے ڈاکے دی توثیق کیتی، ایں ویلھے کجھ لوکاں لفافہ کھولݨ دی جسارت کیتی تاں انہاں کوں آکھیا ڳئے اے نی کھولیا ونڄ سڳدا ، کابینہ اجلاس اچ لفافہ لہرایا ڳئے ت?? آکھیا ڳئے جو منظور اے۔ انہاں آکھیے اے حکومت پاکستان دا پیسہ ہئی جیڑھا جو سرکاری خزانے اچ آوݨا چاہیدا ہئی لیکن اُویں ویلھے دے وزیراعظم، انھاں دی ذال تے فرح گوگی سودھے پورے گینگ ایں رقم نال زمیناں ڳھدیاں تے پراپرٹی ٹائیکون توں 5قیراط ہیرے دیاں مندریاں دا مطالبہ کیتا جیں دی آڈیو ساریں دے سامݨے موجود اے ۔ انہاں آکھیے بانی چیئرمین پی ٹی آئی اتے انہاں دی ذال توشہ خانہ تئیں لُٹ تے کھا ڳئن۔ عطاءاللہ تارڑ آکھیے 190 م??ین پائونڈ دا سکینڈل پاکستان دی تاریخ دا ساریں توں وݙا میگا کرپشن سکینڈل اے جیں دی مثال نی ملدی ، بانی چیئرمین پی ٹی آئی اتے انہاں دی ذال بلیک منی کوں وائٹ کرݨ سانڳے القادر ٹرسٹ بݨایا جیں سانقے زمین وی ایں پراپرٹی ٹائیکون ݙتی جیں دا ارباں روپے معاف کیتا ڳئے ،اے محض اتفاق کائناں ہئی بلکہ سوچا سمجھا منصوبہ ہئی ۔ ایں پراپرٹی ٹائیکون توں بنی گالہ اچ 200کنال زمین ڳھدی ڳئی ، پنج قیراط ہیرے دیاں مندریاں ڳھدیاں ڳئن ۔ انہاں آکھیے ایں میگا کرپشن دے ذریعے انہاں لاہور اچ اپݨے گھر کوں ول بݨایا جیں دا کوئی ڈیکلریشن موجود کائنی ۔ جے تساں کوئی ٹرسٹ بݨیندے پئے ہاوے تاں تساں ایدھی یا چھیپا آلیں نال رل تے بݨیندے تاں کوئی تساں توں نہ پچھدا لیکن تساں ھک بندے دے ارباں روپے معاف کرݨ سانڳے ایں توں ارباں روپے وصول ک??تے تے ایں بلیک منی کوں وائٹ کرݨ سانڳے فراڈ ٹرسٹ بݨایا ۔ انہاں آکھیے 190 م??ین پائونڈ کرپشن کیس توں ایں سانڳے بھڄدے پئن جو کیوں جو انہاں کوں پتہ اے جو ایں کرپشن اچ انہاں دے ہتھ رنگیے ہوئن ، اے قصور وار ہن۔ ھک بندے توں انہاں پراپرٹی ڳھدی ، پیسہ ڳھدی، مندریاں ڳھدیاں ، فیدے سانڳے تے کابینہ دے ذریعے ایں کوں رعایت ݙتی، سپریم کورٹ ایں تے مہر لاچکی اے ، ہݨ تساکوں جواب ݙیوݨا پوسی ایں دا خمیازہ بھوڳݨا ہوسی ۔ اتنی وݙی کرپشن اچ بانی چیئرمین پی ٹی آئی بطور وزیراعظم پوری کابینہ کوں ملوث کرتے بند لفافہ منظور کروائے۔ ھک سوال دے جواب اچ انہاں آکھیے بانی چیئرمین پی ٹی آئی جیل اچ ہن او عدالت نی ڳئے ، بشریٰ بی بی فیصلہ سݨݨ کیوں نی ڳئی ؟ انہاں کوں عدالت ونڄݨا چاہیدا ہئی تے اتھاں آپݨی بے گناہی تے ڳالھ کریندی لیکن اے تاخیری حربے استعمال کریندے پئن فیصلہ سݨاوݨ جج دی صوابدید تے ہے، جج صاحب مہلت ݙتی اے ، ملزمان دی غیر موجودگی اچ وی فیصلہ سݨایا ونڄ سڳدے ۔انہاں آکھیے پی ٹی آئی ونڈیج ڳئی اے، انہاں نفرت دے بج رادھے اڄ اوہا فصل کٹیندے پئن ، کوڑ ،منافقت اتے فریب دی سیاست انھاں دا وطیرہ اے ۔ ھک ٻئے سوال دے جواب اچ انہاں آکھیے فرح گوگی ٻہوں سارے کیساں اچ مطلوب ہن مگر ایں کیس اچ او شریک ملزمہ ہن، ایں کیس دے سرغنہ بانی چیئرمین پی ٹی آئی ہن۔ انہاں آکھیے فرح گوگی کوں پہلے وی نوٹس جاری کیتے ڳئن، جے انہاں کجھ نہ کیتا تاں آؤ تے آپݨے آپ کوں قانون دے حوالے کرو ، میرٹ تے تفتیش تھیسی۔ انہاں آکھیے انہاں ساریں دے کرپشن اچ ہتھ رنڳیے ہوئن ایں سانڳے اے قانون دا سامنا نی کرݨ چاہندے ۔ وفاقی وزیر اطلاعات آکھیے بانی چیئرمین پی ٹی آئی بطور وزیراعظم کابینہ اجلاس اچ ایجنڈا منظور کراوݨ دے عوض نقدی، زمیناں اتے مختلف چیزیں ڳھدیاں، رشوت گھنݨ دے شواہد بانی چیئرمین پی ٹی آئی اتے انہاں دی ذال دے نکلئن
