اسلام آباد۔30اکتوبر(اے پی پی) وفاقی وزیر داخلہ محسن نقوی لندن اچ سابق چیف جسٹس ??اض?? فائز عیسی اتے پاکستانی ہائی کمیشن دی گاݙی تے حملے دے افسوسناک واقعہ دی شدید مذمت کیتی اے تے نادرا کوں حملہ آوراں دی شناخت سانڳے وختی اقدامات دا حکم ݙتے ۔آپݨے بیان اچ وزیر داخلہ نادرا کوں ہدایت ݙتی جو فوٹیجز دے ذریعے حملہ آوراں دی نشاندہی کیتی ونڄے ، حملہ آوراں دے خلاف قانونی کارروائی کیتی ویسی ، پاکستان اچ ایف آئی آر درج کرتے مزید کارروائی کیتی ویسی ۔ وفاقی وزیر داخلہ آکھیے حملہ آوراں دے شناختی کارڈ بلاک اتے پاسپورٹ منسوخ کیتے ویسن ۔ جنھاں حملہ کیتے انھاں دی شہریت منسوخ کرݨ سانڳے کاروائی کیتی ویسی ۔ انھاں آکھیے شہریت منسوخی دا کیس منظوری سانڳے کابینہ بھیجا ویسی۔ انہاں واضح کیتے جو کہیں کوں ایہوجے حملے دی اجازت نی ݙتی ونڄ سڳدی ، لندن اچ پاکستانی ہائی کمیشن دی کارتے حملہ تھئے ، ا??اں ایں واقعہ تے چُپ نی ٻہہ سڳدے ۔ وفاقی وزیر ایں ڳالھ تے زور ݙتے جو سابق چیف جسٹس کوں تڑیاں دا سامݨا ہئی تاں سیکورٹی کیوں نی ݙتی ڳئی۔
