وزراءاعلیٰ کووڈ۔19 پاروں بند کیتیاں گئیاں صنعتاں تے معاشی ??رگرمیاں دے حوالے نال تجویز کیتی گئی نیگٹیولسٹ تے اتفاق کرگھدے
قومی اتے سیاسی قیادت وائرس کوں روکیندے ہوئیں ڈوجھے لوکاں دی زندگی کوں خطرے اچ پاتے بغیر معاشی ??رگرمیاں تے اتفاق کیتے، اسد عمر
اسلام آباد ۔ یکم جون (اے پی پی) صوبائی وزراءاعلیٰ سنوار کوں قومی کمانڈ اتے آپریشن سنٹر (این سی او سی) ولوں کوویڈ۔19 پاروں بند کیتیاں گئیاں صنعتاں تے معاشی ??رگرمیاں دے ھوالے نال تجویز کیتیاں گئی نیگٹیولسٹ تے اتفاق کرگھدے۔ صوبائی وزراءاعلیٰ وڈیو لنک دے ذریعے این سی او سی دے اجلاس اچ شرکت کیتی جیں دی صدارت وزیر منصوبہ بندی، ترقیات اتے خصوصی اقدام اسد عمر کیتی ۔ وزیراعلیٰ پنجاب عثمان بزدار منفی فہرست دی پوری تائید کیتی۔ ایں فہرست موجب بند معاشی ??نعتاں کوں ایس او پی تے سخت عملدرآمد دے نال اجازت ڈتی ویندی پئی اے ۔ انہاں فورم کوں تجویز کیتا جو او ٹیسٹنگ رجیم دا جائزہ گھنن کیوں جو ہر ہک بندے دا ٹیسٹ نی کیتا ونج سگدا ، صرف علامتی اتے متاثرہ مریضاں دا ٹیسٹ لازمی کرنڑ دی پالیسی ہوونڑیں چاہیدی اے ۔ وزیراعلیٰ سندھ سیّد مراد علی شاہ منفی فہرست دی تائید کریندے ہوئیں آکھیے جو ایس او پیز دے نال ریستوران کھولنڑ ممکن کائنی، ایس او پیز تے عوامی سطح تے عمل نہ تھیونڑ پاروں ریستوران دا شعبہ بند کیتا گیا ہئی ۔ انہاں مشورہ ڈتے جو میڈیا مہمات اچ حفاظتی رہنما اصولاں اتے ایس او پیز تے عملدرآمد تے زور ڈتا ونجے ۔ وزیراعلیٰ خیبرپختونخوا محمود خان وی منفی فہرست دی حمایت کیتی۔ انہاں سعودی عرب اچ پتھے پاکستانیاں کوں پیش مسلیں تے روشنی پاتی تے فورم کوں ایں سلسلے اچ مدد دی درخواست کیتی ۔وزیراعلیٰ بلوچستان دی نمائندگی پارلیمانی سیکرٹری کیتی جیں تے وزیراعلیٰ جام کمال خان دا پیغام پجایا انہاں آکھیے جو سکول کھولنڑ ممکن کائنی۔ وزیراعلیٰ گلگت بلتستان حافظ حفیظ الرحمن وی مجوزہ منفی فہرست تے اتفاق کیتے۔ انہاں صوبے کیتے بجٹ دی ضرورت تے زور ڈتا ۔ وزیراعظم آزاد کشمیر راجہ فاروق حیدر خان آکھیے جو فوری سکریننگ اتے قا??ل اعتماد ڈیٹا کٹھا کرنڑ کیتے ملک دے ہوائی اڈیں تے صوبائی صحت ٹیماں کوں تعینات کیتا ونجے ۔ ایں موقع تے وفاقی وزیر اسد عمر خطاب ??ریندے ہوئیں صوبائی تجاویز اتے تحفظات کوں فیصلہ سازی اچ رلایا ویسی ۔ انہاں آکھیے جو فورم اچ قومی اتے سیاسی قیادت وائرس کوں کھنڈنڑ توں روکیندے ہوئیں ڈوجھے لوکاں دی زندگی کوں خطرے اچ پاتے بغیر معاشی ??رگرمیاں تے اتفاق کیتے تے ایس او پیز تے سختی نال عمدرآمدکوں یقینی بنڑاونڑ کیتے اقدامات چاونڑ دی ہدایت کیتی ۔وزیراعظم دے معاون خصوصی قومی سلامتی ڈاکٹر معید یوسف فورم کوں ڈسائے جو ہوائی اڈیں کیتے 2 جون توں ٹیسٹنگ رجیم دا خاتمہ کیتا ویندا پئے جتھاں صرف علامتی مریضاں دی آمد تے ٹیسٹ کیتا ویسی ۔
نیشنل کمانڈ اینڈ آپریشن سنٹر دا اجلاس
مضمون کا ماخذ : لاٹری آن لائن
متعلقہ مضامین
