اسلام آباد 27 اګست (اے پي پي) د قانون او انصاف وفاقي وزير سينيټر اعظم نذير تارړ وئيلي دي د پي ټي آئي په دور كښې پروډکشن آرډرز په مخصوص استعمال شوي ٬ كه د سېنېټ چيئرمېن د سينيټر اعجاز چوهدري پروډکشن آرډر جاري كړے وي نو په دې به د اړوندو چارواكو د ځواب جاج اخستل وي۔ د نهې په ورځ د سېنېټ غونډه كښې سينيټر شبلي فراز د اعتراض د نكتې په ځواب سينيټر اعظم نذير تارړ ووئيل د ايوان د يو غړي پروډکشن آرډر جاري کول د سېنېټ چيئرمېن اختيار دے، د قواعدو او ضابطو له مخې نظام چلول پكار دي ۔ ده ووئيل د پي ټي آئي په دور كښې د پروډکشن آرډرز مخصوص استعمال شوے، د رانا ثناء الله او خواجه سعد رفيق پشمول د پاکستان مسلم ليګ (ن) د مشرانو پروډکشن آرډرز نه دي جاري كړې شوي۔ ده ووئيل سينيټر اعجاز چوهدري په فوځداري مقدمات كښې نيولے شوے٬ مقدمې ئې په عدالتونو كښې چلېږي٬ كه د سېنېټ چيئرمېن د سينيټر اعجاز چوهدري پروډکشن آرډر جاري كړے وي نو په دې به د اړوندو چارواكو د ځواب جاج اخستل وي۔ د دې نه وړاندې سينيټر شبلي فراز د اعتراض په نكته ووئيل د سينيټر اعجاز چوهدري پروډکشن آرډرز دې جاري كړے شي او دوهم چيئرمېن دې په دې اړه رولنګ وركړي۔
كه د سېنېټ چيئرمېن د سينيټر اعجاز چوهدري پروډکشن آرډر جاري كړے وي نو په دې به د اړوندو چارواكو د ځواب جاج اغستل وي۔ سينيټر اعظم نذير تارړ
مضمون کا ماخذ : ڈاگ ہاؤس
متعلقہ مضامین
