اسلام آباد۔28اکتوبر (اے پی پی):قومی اسمبلی پشاور دے مدرسے اتے کوئٹہ دھماکیں دی مذمت کیتے متفقہ قرارداد منظور کرڳھدی۔ خمیس کوں قومی اسمبلی اچ حکومت اتے اپوزیشن دی متفقہ قرارداد پارلیمانی امور دے وزیر مملکت علی محمد خان پیش کیتی۔ قرارداد دے متن اچ آکھیا ڳے جو پشاور دے مدرسے اچ بم دھماکے اچ 8 طلباء، قراءکرام شہید تھن 100 زخمی تھن ایں طرح کوئٹہ اچ بم دھماکہ تھیا جیں وچ قیمتی انسانی جاناں دا ضیان تھیا ۔اے ایوان انہاں دھماکیں دی پرزور مذمت کریندے تے سمجھدے جو ایں طرح دا حملہ کوئی مسلمان نی کرسڳدا ۔ قرارداد دے متن اچ آکھیا ڳے جو دہشتگردی دے واقعات دا قلع قمع کرݨ کیتے سیکیورٹی فورسز‘ پولیس اتے افواج پوری طرح تیار اے ۔ اے ایوان مطالبہ کریندے جو جنہاں کاروائی کیتی اے انہاں کوں قانون دے حوالے کرتے قرار واقعی سزا ݙتی ونڄے ۔ قرارداد توں پہلے ایوان دی کارروائی دے آغاز تے سپیکر اسد قیصر آکھیا جو کل پشاور اچ دہشتگردی دا افسوسناک واقعہ تھئے ۔ ایں تے متفقہ قرارداد وی آوݨی چاہیدی اے ۔
قومی اسمبلی اچ پشاور دے مدرسے اتے کوئٹہ دھماکیں دی مذمت کیتے متفقہ قرارداد منظور
مضمون کا ماخذ : گرم گرم
متعلقہ مضامین
