آندے مالی سال دا 8238 ارب روپے توں ودھ دا عوام دوست بجٹ پیش

احساس پروگرام دے تحت غریب تے مستحق لوکاں دی مالی امداد اچ ودھارا ،مستحقین کوں صحت کارڈ اتے گھٹ آمدن لوکاں کوںسستے گھر ڈتے ویسن،،گھٹ بجلی استعمال کرنڑ آلے صارفین کیتے 200ارب دی سبسڈی ڈتی ویسی،مزدوراں دی گھٹ توں گھٹ اجرت 17500کرڈتی گئی ،چھوٹے ملازماں دیاں تنخواہیں تے پنشن اچ 10فیصد ودھارا ،گریڈ 17توں 20تئیں 5فیصد ایڈہاک ریلیف ملسی ،ریونیو دا ہدف 5555ارب مقرر ،حکومتی خرچے گھٹ کرتے 437ارب کر ڈتے گن، بجٹ خسارہ 3151 ارب روپے ہوسی جیڑھا ٹیکس اصلاحات نال پورا کیتا ویسی،عسکری بجٹ پچھلے سال دی شرح 1150ارب تے برقرار،??دھ توں ??دھ ریو نیو کٹھا کرنڑ کیتے ٹیکساں کوں ترجیح ڈتی گئی اے
اسلام آباد ۔ 11 جون (اے پی پی) آندے مالی سال 2019-20ءدا 8238 ارب ڈاہ کروڑ روپے حجم دا وفاقی بجٹ قومی اسمبلی اچ پیش کر ڈتا گے،آندے مالی سال کیتے بجٹ خسارہ 3151 ارب روپے ہوسی جیں کوں ٹیکس اصلاحات دے ذریعے پورا کیتا ویسی،کھنڈ،خوردنی تیل ،گاڈیاں سگریٹ سمیت بیاں چیزاں تے ٹیکس دی شرح اچ ودھارے دی تجویز اے ‘ 1 توں 16 گریڈ دے سرکاری ملازمین دیاں تنخواہیں اتے پنشن اچ 10 فی??د ایڈہاک ریلیف ڈتے ونجنڑ دی تجویز اے اتے گریڈ 17 توں 20 تئیں دے ملازماں کوں 5 فی??د ایڈہاک ریلیف ڈیونڑ دی تجویز اے‘ گھٹ توں گھٹ اجرات ودھا تے 17500 کیتی گئی اے ‘ تنخواہ دار طبقے کیتے6 لکھ روپے سالانہ اتے غیر تنخواہ دار طبقے کیتے4 لکھ روپے توں ??دھ تے انکم ٹیکس لاگو تھیسی‘ آندے مالی سال کیتے ٹیکس ریونیو دا ہدف5555 ارب روپے مقرر کیتا گے ‘ عالمی مالیاتی فنڈ توں چھی ارب ڈالر دے پروگرام دا معاہدہ تھی گے ‘ آئی ایم ایف دے بورڈ توں ایندی مںظوری دے بعد ایں معاہدے تے عمل درآمد شروع تھی ویسی‘ سول حکومت دے خرچے 460 ارب روپے توں گھٹ تھی تے 437 ارب روپے کیتے ویندے پن عسکری بجٹ موجودہ سال وانگوں یعنی 1150 ارب روپے تے مستحکم رہسی۔منگل کوں قومی اسمبلی اچ آندے مالی سال 2019-20دا وفاقی بجٹ وزیر مملکت ریونیو حماد اظہر ایوان اچ پیش کیتا ۔ وفاقی بجٹ اچ ایف بی آر کیتے ٹیکس محصولات دا ہدف 5555 ارب روپے رکھیا گے جڈاں جو خرچے اچ کمی تے خصوصی توجہ مرکوز کیتی گئی اے تاں جو بنیادی خسارہ 0.6 فی??د تئیں رہ ونجے ۔ انہاں آکھیا جو آندے مالی سال دے بجٹ اچ اساڈی بنیادی اصلاح ٹیکس اچ ودھارا تھیسی ۔ انہاں ڈسایا جو حکومت غربت دے خاتمے کیتے ہک نویں وزارت قائم کیتی اے ۔ وزیر مملکت حماد اظہر آکھیے جو اساکوںمعاشی وراثت اچ مجموعی قرضہ اتے ادائیگیاں 3100 ارب روپے ملن۔ انہاں اچ تقریباً 97 ارب ڈالر باہرلے قرضہ جات تے ادائیگیاں ہن ۔بہوں سارے کمرشل قرضے ??دھ سود تے گھدے گے ہن ۔گزریل ڈو سال دے دوران سٹیٹ بنک آف پاکستان دے ریزرو 18 ارب ڈالر توں ڈھندے ڈھندے وی گھٹ تھی تے رہ گن۔ کرنٹ اکاﺅنٹ گھاٹا تاریخ دی اچی سطح 20ارب ڈالر جڈاں جو تجارتی خسارہ 32 ارب ڈالر تئیں پج گے ۔ پنج سال اچ برآمدات اچ کوئی ودھارا کائنی تھیا۔ مالیاتی خسارہ 2260 ارب روپے دی خطرناک حد تئیں پج گے ۔ اتنا وڈا خسارہ الیکشن دے سال اچ مالیاتی بدنظمی دی وجہ توں تھے ۔ بجلی دے نظام دا گردشی قر??ہ 1200 ارب روپے تئیں پج گیا ہئی تے ہنڑ 38 ارب روپے ماہانہ دی شرح نال ودھدا پیا ہئی۔ سرکاری اداریں دی کارکرگی 1300ارب روپے دے مجموعی گھاٹے توں ??دھ ہئی ۔ انہاں آکھیا جو پاکستانی روپے دی قدر اچی رکھنڑ کیتے ارباں ڈالر جھونک ڈتن۔ایں مہانگی حکمت عملی نال برآمدات کوں ضیان تھئے ۔درآمدات کوں سبسڈی ملی تے معیشت کوں وی ضیان تھے ۔ایندی وجہ توں دسمبر 2017اچ روپیہ ڈھنڑ لگا ۔انہاں ڈسائے جو چیزاں دیاں قیمتاں تے دباﺅ ودھدا پیا ہئی تے افراط زر چھی فی??د تئیںہئی ۔اساڈی حکومت مناسب اقدامات نال صورت حال کوں قابو اچ گھن آونڑ کیتے حکمت عملی اپنائی ۔وختی خطرے نال نبڑنڑ کیتے معاشی استحکام کیتے اقدامات کیتے۔درآمدات تے ڈیوٹی اچ ودھارے نال جولائی توں اپریل دے دوران درآمدات گھٹ تھی تے 45ارب تھی گیاں تے تجارتی خسارہ چار ارب ڈالر گھٹ تھے۔ وزیر اعظم دے سمندر پار پاکستانیاں کوں اعتماد ڈیواونڑ کیتے ترسیلات زر اچ ودھارا تھے۔ بجلی دے گردشی قرضے کوں 26 ارب روپے ماہانہ تے لاتا گے ۔انہاں آکھیا جو چین‘ سعودی عرب ‘ یو اے ای توں 9 ارب 20 کروڑ ڈالر دی امداد ملی جیں تے انہاں دوست ملکاں دے شکر گزار ہن ۔انہاں ڈسایا جو برآمدات اچ ودھارے کیتے حکومت صنعتی تے برآمدی شعبے کوں رعایتی نرخ تے بجلی تے گیس دی فراہمی ،گھٹ سود تے قرضیں دی فراہمی ‘ خام مال تے عائد درآمدی ڈیوٹی اچ کمی دے ذریعے مجموعی ??ور تے 10 ارب ڈالر دی رعایت ڈیونڑ دے نال برآمدی شعبے کیتے وزیراعظم دے پروگرام اچ ترائے سال تئیں توسیع کیتی گئی اے۔چین توں 313چیزاں دی ڈیوٹی فری برآمد دا معاہدہ کیتا گے ۔انہاں دسائے جو انہاں اقدامات دی بدولت موجودہ سال اچ برآمدات دے حجم اچ ودھارا تھے۔انہاں ڈسایا جو عالمی مالیاتی فنڈز توں چھی ارب ڈالر دے پرورگام دا معاہدہ تھی گے ۔ آئی ایم ایف دے بورڈ توں ایندی منظوری دے بعد ایںمعاہدے تے عمل درآمد شروع تھی ویسی جیں نال بہوں گھٹ سود تے ڈو توں ترائے ارب ڈالر دی ودھیک عالمی امداد وی میسر آسی ۔ مالیاتی نظم و نسق اتے بنیادی اصلاحات کیتے حکومت دی سنجیدگی نظر آسی جیں نال عالمی سرمائے دا اعتماد حاصل تھیسی ۔معیشت کوں استحکام حاصل تھیسی تے پائیدار ترقی دا رستہ ہموار تھیسی۔ انہاں آکھیا جو سعودی عرب توں وختی ادائیگی دے بغیر 3ارب 20 کروڑ ڈالر سالانہ دا تیل درآمد کرنڑ دی سہولت حاصل کیتی گئی اے تاں جو عوالمی کرنسی دے ذخیرے تے دباﺅ گھٹ تھیوے ۔ایندے علاوہ حکومت اسلامی ترقیاتی بنک توں ہک ارب ڈاہ کروڑ ڈالر دی وختی ادائیگی دے بغیر تیل درآمد کرنڑ دی سہولت حاصل کیتی اے ۔انہاں آکھیا جو انہاں اقدامات پاروں ایں سال کرنٹ اکاﺅنٹ خسارے اچ ست ارب ڈالر دی کمی آسی جڈاں جو آندے سال مزید 6ارب 50کروڑ ڈالر دی کمی آسی ۔ 95 ترقیاتی منصوبے مکمل کرنڑ کیتے فنڈز جاری کیتے گن ۔ احتساب دے نظام‘ اداریں دے استحکام تے طرز حکمرانی بہتر بنڑاونڑ کیتے خصوصی اقدامات کیتے گن جیں اچ سٹیٹ بنک کوں مزید خودمختاری ڈتی گئی اے ‘ افراط زر کوں مانیٹری پالیسی دے ذریعے کنٹرول کیتا ویندا پے ۔ ٹیکس پالیسی کوں ٹیکس انتظامیہ توں انجھ کر ڈتا گے ۔ہک ٹریژری سنگل اکاﺅنٹ بنڑایا گے ہنڑ حکومت دی رقم کمرشل بنک اکاﺅنٹ اچ رکھنڑ منع اے ۔ پاکستان بنڑاﺅ سرٹیفکیٹ دا اجراءکیتا گے تاں جو سمندر پار پاکستانی 6.75 فی??د دے منافعے توں فائدہ چیندے ہوئیں اپنڑے وطن اچ سرمایہ کاری کرسگن ۔انہاں ڈسایا جو ایف بی آرسرمایہ دی کمی دور کرنڑ دت پچھلے سال دے 54ارب دے مقابلے اچ 145 ارب روپے دے ری فنڈ جاری کیتن ۔انہاں ڈسایا جو سابقہ فاٹا کوں قومی دھارے اچ گھن آونڑ کیتے خیبرپختونخوا دا حصہ بنڑاونڑ تے خصوصی توجہ ڈتی گئی اے ۔حماد اظہر ڈسائے جو یقیناً بجٹ بنڑیندے وقت حکومت دا بنیادی مقصد عوام دی فلاح اتے خوشحالی اے۔ انہاں بجٹ دی تیاری دے دوران مدنظر رکھیے ونجنڑ آلے رہنما اصولاں دا ذکر کریندے ہوئیں ڈسائے جو ایں وقت پاکستان اچ 31 لکھ کمرشل صارفین اچوں صرف 14 لکھ ٹیکس ڈیندن۔ بنکاں اچ مجموعی ??ور تے پنج کروڑ اکاﺅنٹ ہن جیں اچوں صرف ڈاہ فی??د ٹیکس ادا کریندن۔ ایس ای سی پی اچ رجسٹرڈ اہک لکھ کمپنیاں صرف صرف 50 فی??د ٹیکس ڈیندین۔ نویں پاکستان اچ سوچ کوں بدالنڑاں ہوسی ۔ انہاں آکھیا جڈاں تئیں ٹیکس دا نظام بہتر کائناں بنڑیسوں پاکستان ترقی کائناں کریسی۔ تاریخی ??ور تے اساں صحت‘ تعلیم‘ پیونڑ دے صاف پانڑیں ‘ شہری سہولتاں اتے لوکاں متعلق کہیں وی چیز تے مطلوبہ خرچے اساں کیتے کائنی اساں ایں مقام تے پج گیوں جتھاں اساکوں قرضیں تے تنخواہیں دی ادائیگی کیتے وی قرضہ گھننڑاں پوسی۔انہاں آکھیا کفایت شعاری تے عمل کریندے ہوئیں سول و عسکری بجٹ دے ذریعے بچت کیتی ویسی۔ سول حکومت دے خرچے460 ارب روپے توںگھٹ تھی تے 437 ارب روپے کیتے ویندے پن جڈاں جو عسکری بجٹ موجودہ سال دی سطح یعنی 1150 ارب روپے تے مستحکم رہسی۔ بچت دے انہاں اوکھے فی??لیں کیتے وزیراعظم عمران خان دے تدبر تے عسکری قیادت دی سپورٹ کوں خراج تحسین پیش کریندوں۔ انہاں آکھیا جو پاکستان دا دفاع تے قومی خودمختاری ہر شئے تے مقدم اے ۔اساں اینکوں یقینی بنڑیسوں۔اپنڑے وطن تے لوکاں دے دفاع کیتے پاک فوج دی صلاحیت اچ کمی نہ آوے۔انہاں ڈسایا جو بجلی استعمال کرنڑ آلیں کوں سبسڈی کیتے 200ارب روپے رکھیے ویندے پن۔ماواں تے نوزائیدہ بالاں کوں خصوصی صحت مند خوراک مہیا کیتی ویسی۔80ہزار مستحق لوکاں کوں ہر مہینے بلاسود قرضے ڈتے ویسن۔ 60 لکھ تریمتاں کوں انہاں دے اپنڑے سیونگ اکاﺅنٹ اچ وظائف دی فراہمی تے موبائل فون تئیں رسائی ڈتی ویسی۔ تعلیم اچ پچھوں رہ ونجنڑ آلے ضلعیں کیتے بالاں کوں سکول بھیجنڑ کیتے خصوصی ترغیب ڈتی ویسی۔عمر رسیدہ لوکاں کیتے احساس گھر بنڑاونڑ تے کم شروع کرڈتے۔ احساس پروگرام دے تحت بے نظیر انکم سپورٹ پروگرام دے ذریعے 57 لکھ انتہائی غریب گھرانیں کوں ڈتی ونجنڑ آلی ترائے مہینے پنج ہزار روپے دی امداد ودھا تے 500دا فی??لہ کیتا گے ۔ مئی 2020ءتئیں غریباں دی نشاندہی دا سروے مکمل کیتا ویسی۔ انہاں ڈسایا جو صحت کارڈ دے ذریعے 270 ہسپتالاں اچ 7 لکھ 20 ہزار روپے سالانہ تئیں علاج دی سہولت ڈتی ویسی ۔گھٹ آمدنی آلے لوکاں کیتے سستے گھر تے موسمی تبدیلی دی تلافی کیتے بلین ٹری سونامی تے کلین اینڈ گرین پاکستان پروگرام شروع کیتے ویندے پن ۔ وزیر مملکت برائے ریونیوحماد اظہر آکھیے جو ریلوے دے شعبہ کوں ترقی ڈیونڑ کیتے ایم ایل ون منصوبے کیتے رقوم ڈتیاں گین۔منی لانڈڑنگ روکنڑ کیتے ہک نواں نظام تجویز کیتا ویندا پئے،اداریاں دی اصلاح اچ اضافہ تھیندا پئے۔ انہاں آکھیے جو حکومت گریڈ ہک توں 16تئیں دے سرکاری ملازمین اتے افواج پاکستان دے ملازمین کوں 2017ءدے بنیادی پے سکیل دے مطابق رننگ بیسک پے تے 10 فی??د ایڈہاک ریلیف ڈتا ویسی، گریڈ 17 توں 20 تئیں دے سول ملازمین کوں 5 فی??د ایڈہاک ریلیف الاﺅنس ڈتا ویسی، گریڈ 21 اتے 22 دے سول ملازمین دیاں تنخواہواں اچ کوئی ودھارا نہ تھیسی۔ وفاقی حکومت دے سول اتے فوجی پنشنرز دی نیٹ پنشن اچ ڈاہ فی??د ودھارا کیتا ویسی، معذور ملازمین دا سپیشل کنوینس الاﺅنس ودھا تے ماہانہ 2 ہزار روپے کرنڑ دی تجویز اے۔ وزرائ‘ وزراءمملکت‘ پارلیمانی سیکرٹری‘ ایڈیشنل سیکرٹری اتے جوائنٹ سیکرٹری نال کم کرنڑ آلے سپیشل‘ پرائیویٹ سیکرٹری اتے اسسٹنٹ پرائیویٹ سیکرٹریاں دی سپیشل تنخواہ اچ 25 فی??د ودھارے دی تجویز اے،ایندے گھٹ توں گھٹ اجرت ودھا تے 17500 روپے کیتی ویندی پئی اے۔انہاں ڈسائے جو آندے مالی سال دا بجٹ تخمینہ 17022 ارب روپے اے جیہڑا جاری مالی سال دے نظرثانی شدہ بجٹ 5385 ارب روپے دے مقابلے اچ 30 فی??د ??دھ اے۔ مالی سال 2019-20ءکیتے وفاقی آمدنی دا تخمینہ 6ہزار 717 ارب روپے اے جیہڑاایں مالی سال 5661 ارب روپے دے مقابلے اچ 19 فی??د ??دھ اے۔ ایف بی آر دے ذریعے 5555 ارب روپے دی آمدن متوقع اے۔ وفاقی سطح تے جمع کیتے گئے ریونیو اچوں 3255 ارب روپے ستویں این ایف سی ایوارڈ دے تحت صوبیاں کوں ڈتے ویسن جیہڑے موجودہ سال دے مقابلے اچ 32 فی??د ??دھ اے،آندے مالی سال کیتے نیٹ فیڈرل ریونیو دی مداچ 3462 ارب روپے دا تخمینہ اے جیہڑا ایں مالی سال دے مقابلے اچ 13 فی??د ??دھ اے۔ وفاقی بجٹ خسارہ 3560 ارب روپے تھیسی۔ اانہاں ڈسایا جو آندے مالی سال دا مجموعی مالیاتی خسارہ 3137 ارب روپے یا جی ڈی پی دا 7.1 فی??د ہوسی۔ انہاں ڈسایاجو ایں ویلھے 22 کروڑ آبادی اچ صرف 19 لکھ لوک انکم ٹیکس گوشوارے جمع کرویندن اتے انہاں اچوں وی ٹیکس جمع کروانڑ آلیاں دی تعداد 13 لکھ اے جیہڑی تشیوشناک اے تہوں حکومت ٹیکس اصلاحات دا اینجھاایجنڈہ ترتیب ڈتے جیندے نال سخت فی??لے کیتے ویسن، 1600 توں ??دھ ٹیرف لائنز تے ڈیوٹی خام مال دے ضمن اچ بجٹ اچ مستثنیٰ کیتی ویندی پئی اے۔حکومت کسٹم ٹیرف دے اصلاحاتی منصوبے کوں حتمی شکل ڈیندی پئی اے جیکوں مرحلہ وار لاگوکیتا ویسی۔انہاں ڈسایا جو لکڑی دے فرنیچر اتے ریزر دی پیداوار اچ استعمال تھیونڑ آلیاں کجھ شئیں تے ڈیوٹی گھٹ کیتی ونج سگدی اے۔ مقامی جنگلات کوں بچاونڑ اتے فرنیچر دے پیدا کنندگان دی حوصلہ افزائی کیتے لکڑی تے ڈیوٹی ترائے فی??د توں گھٹ کر تے زیرو فی??د اتے لکڑی دی مصنوعی پینلز تے ڈیوٹی 11 فی??د توں گھٹ کر تے ترائے فی??د کرنڑ دی تجویز اے۔ برآمدات دی حوصلہ افزائی کیتے مختلف سکیماں کوں سادہ اتے خودکاربنڑایا ویندا پئے۔ ایل این جی دی درآمد تے موجودہ کسٹم ڈیوٹی ست فی??د توں گھٹ کر تے پنج فی??د کرنڑ دی تجویز اے۔ انہاں ڈسایا جو سلہیں دے بھٹیاں توں 17 فی??د ٹیکس جاہ دے حساب نال گھدا ویسی۔ ریستوران اتے بیکریاں ولوں سپلائی تھیونڑ آلیاں غذائی اشیاءتے سیلز ٹیکس دی شرح 17 فی??د توں گھٹ کر تے 7.5 فی??د تئیں گھدی ویسی ،سکے کھیر تے ڈاہ فی??د ٹیکس لگسی۔ پی ایم سی اتے پی وی سی دی افغانستان برآمد تے پابندی مکاونڑ دی تجویز اے۔ انہاں ڈسایا جو سابق قبائلی علاقیاں اچ گھریلو اتے کاروباری صارفین اتے 31 مئی 2018ءتوں پہلے بنڑن آلیاں صنعتاں کوں بجلی دی فراہمی تے سیلز ٹیکس کیتے چھوٹ ڈیونڑ دی تجویز اے جڈاں جو اے اطلاق سٹیل ملز اتے گھی ملز تے نہ ہوسی۔ موبائل فون دی درآمد تے 3 فی??د ویلیو ایڈیشن ٹیکس مکاونڑ دی تجویز اے۔بہوں ضروری ایس آر اوز دے علاوہ تمام ایس آر اوز اتے ایس ٹی جی اوزمکایا ویندا پئے۔ سٹیل دے شعبے کیتے عمومی قانون دی بحالی دے تحت انہاں شئیں تے ایف ای ڈی لاونڑ نال فروخت تے سیلز ٹیکس مکایا ویندا پئے۔ سی این جی ڈیلرز کیتے ویلیو ریجن ون کیتے 64 روپے 80 پیسے فی کلو توں ودھا تے تے 74 روپے 4پیسے فی کلو گرام اتے ریجن ٹوکیتے 57 روپے 69 پیسے فی کلو توں ودھا تے 69 روپے 57 پیسے فی کلو گرام کرنڑ دی تجویز اے جڈاں جو کھنڈ تے ٹیکس شرح 17 فی??د کرنڑ دی تجویز اے۔ چکن‘ مٹن‘ بیف اتے مچھلی دے گوشت نال بنڑن آلیاں فریج لگیاں شئیں تے 17 فی??د سیلز ٹیکس لاگوکرنڑ دا امکان اے۔گھیو ، کوکنگ آئل تے فیڈرل ایکسائز ڈیوٹی 17 فی??دکرنڑ دی تجویز اے۔ سیمنٹ تے فیڈرل ایکسائز ڈیوٹی ڈیڈھ روپے ودھا تے 2 روپے کرنڑ دی تجویز اے۔ نان فائلر دے ناں تے پنجاہ لکھ روپے توں ??دھ جائیداد دی خریداری تے لگی پابندی مکاونڑ دی تجویزاے، تنخواہ دار اتے غیر تنخواہ دارلوکاں کیتے ٹیکس دی شرح ودھارے دی تجویز اے۔ قابل ٹیکس آمدن دی گھٹ توں گھٹ شرح تنخواہ دار طبقے کیتے چھی لکھ روپے اتے غیر تنخواہ دار طبقے کیتے چار لکھ روپے دی تجویز اے۔انہاں آکھیا جو گفٹ دی وصولی آمدن تصور تھیسی۔ حصص تے منافع دی شرح تے ٹیکس دی شرح 15 فی??دتوں ودھاونڑ دی تجویز اے۔ قرض تے منافع دی آمدن تے ٹیکس ودھارے دی تجویز اے،قانونی کارروائی کیتے سپیشل جج دی عدالت اچ گوشوارے جمع نہ کراونڑ تے قانونی کارروائی کیتے مقدمہ تھیونڑ اتے مذکورہ شخص دی گرفتاری ممکن بنڑاونڑ دی تجویز زیر غوراے۔