اسلام آباد ۔ 24 دسمبر (اے پی پی) وفاقی وزیر اطلاعات ونشریات چوہدری فواد حسین سنوار کوں لوک ورثہ اچ قائداعظم محمد علی جناح دی سالگرہ دی مناسبت نال قائداعظم دی زندگی دے عنوان نال تصویری نمائش ڈی افتتاحی تقریب نال خطاب تے صحافیاں نال گال مہاڑ کریندے ہوئیں آکھیے جو عمران خان قائد اعظم دے وژن کوں اگی تے ودھایا تے نویں پاکستان دی بنیاد رکھی اے ،ہنڑ ہیں بنیاد تے ملک کوں قائد اعظم دے خواب دی تعبیر تے ناقابل تسخیر بنڑیندے پن ،پاکستان دے نویں سفر دی شروعات تھی چکی اے ،عدالتی فیصلے نال صاف تے شفاف ریاست دا بیانیہ اگی تے ودھدا پئے۔وختی ادائیگیاں دے حوالے نال مسئلہ کائنی ،آئی ایم ایف نال لمبی مدت دے استحکام کیتے گال مہاڑ تھیندی پئی اے ، ملکی معشیت بہتری دے پاسے ٹردی پئی اے ،ہنڑ نواز شریف تے آصف علی زرداری دا حصہ وی ایندے اچ شامل تھیونڑاں اے ،عوام کہیں دی غ??ر قانونی طور تے بنڑائی گی جائیداداں دے دفاع کیتے باہر کائنی نکلی ۔، آصف علی زرداری اتے نواز شریف ہک ٹھگ الائنس بنڑاون تے ایندی چھتری تل?? اپنڑی تحریک چالون ،اساڈا موقف تاں ایہو ہئی نکا بھرا پبلک اکاﺅنٹس کمیٹی دا چیئرمین بنڑ تے کیویں وڈے بھرا دے منصوبیں دا آڈٹ کر سگدے لیکن سپیکر قومی اسمبلی وڈے دل دا مظاہرہ کریندے ہوئیں شہباز شریف کوں چیئر مین بنڑنڑ ڈتا ہنڑ ڈیکھدوں جو اے معاملہ کیویں اگی تے چلدے ۔ قائداعظم دی زندگی دے حوالے نال تصویری نمائش 28 دسمبر تئیں جاری رہسی ۔ تقریب اچ ایگزیکٹو ڈائریکٹر لوک ورثہ شاہیرہ شاہد، پرنسپل انفارمیشن آفیسر (پی آئی او) میاں جہانگیر، ایگزیکٹو ڈائریکٹر اے پی پی اختر منیر، چیف انفارمیشن کمشنر محمد اعظم سمیت وزارت اطلاعات و نشریات دے اعلی حکام وی شریک ہن ۔
عمران خان قائداعظم دے وژن کوں اگی تے ودھایا تے نویں پاکستان دی بنیاد رکھی،وفاقی وزیر اطلاعات و نشریات چوہدری فواد
مضمون کا ماخذ : سکاراب ملکہ
متعلقہ مضامین
