اسلام آباد۔6 اپرېل(اے پی پی) د پاكستان مسلم ليګ نون صدر شهباز شريف وئيلي دي د سپريم كورټ زر تر زره پرېكړه به د اولس په ګټه كښې وي ، د هېواد د معاشي صورتحال په اړه چې كوم خبرونه د نړيوالې ميډيا لخوا راځي هغه د بې چېنۍ او پرېشانۍ سبب ګرځي۔ د شورؤ په ورځ په خپل يو بيان كښې ده ووئيل د خطرې خبره دا ده چې كه خدائے مه كړه هېواد ډيفالټ شو نو بيا به څه كېږي؟ لوي څښتن دې نه كړي كه هېواد په معاشي توګه ډيفالټ شو نو د دې ذمه وار به حكومت وي۔ ده ووئيل كه په معاشي توګه مونږ تباه شؤ نو بيا نړيوال سازش ته هېڅ ضرورت نشته٬ معاشي پوهان وائي چې كه سياسي بحران دغسې روان پاتې شو نو ډالر به د 200 روپو نه پورته لاړ شي۔ ده وئيل كراچي چېمبر آف كامرس اېنډ انډسټري هم خپل بيان كښې په هېواد كښې معاشي خطر پلو اشاره كړې ده۔ ده ووئيل په يوه مياشت كښې د غېر ملكي زر مبادلې په پنګو كښې 4.3 اربه ډالره كمې شوې دې۔ ده وئيل د سپريم كورټ زر تر زره پرېكړه د هېواد په ګټه كښې ده۔ ده ووئيل د روژې مباركه مياشت روانه ده او ګراني بام ته رسېدلې ده۔ په دې مباركه مياشت كښې اولس ته د ارزانو څيزونو وركولو كوم انتظام نشته۔ ده ووئيل كرنټ اکاؤنټ خسارہ 20 ارب ډالره ته رسېدلې ده۔ دغسې بجټ او مالياتي خساره هم 4600 اربه شوې ده٬ تجارتي خساره د 45 اربه نه زياته شوې ده۔ ده ووئيل هر كال حكومت ريكارډ مالياتي خساره كړې ده۔
د سپريم كورټ زر تر زره پرېكړه كول به د هېواد په ګټه وي٬ د پاكستان مسلم ليګ نون صدر شهباز شريف بيان
مضمون کا ماخذ : لاٹری کی موبائل ایپ
متعلقہ مضامین
