اسلام آباد 12 جون (اے پي پي) په مالي كال 2023-24ء كښې د جولائی نه تر اپریل پاكستان كښې شوې نيغ په نيغه غیر ملكي سرمایه كارۍ كښې 233 فیصد، برآمدات كښې 10.6 فیصد ، سړي سر كلن آمدن كښې 23.5 فیصد او د جي ډي پي شرح نمو كښې 2.2 فیصد زياتوالے راغلے ،بل پلو د هېواد د درآمدات حجم 5.3 فیصد او د قامي بچتونو شرح نمو كښې 0.2 فیصد كمے ریكارډ كړے شوے۔ كلن پلان له مخې په نړيواله كچه د مصنوعات بيعه كښې اضافه، نړيوال او ځائي مالیاتی اقدامات كښې سختي او د سیاسي غیر یقینی صورتحال باوجود د تير مالي كال په مهال هېواد كښې مجموعي معاشي صورتحال د مالی كال 2022-23ء په مقابل كښې بهتر ؤ ۔ د آئي اېم اېف سټینډ بائے لوظنامې له مخې بهرني او مالیاتي اكاونټس په فشار كښې كمے راغلے ، نړيوال معاشي صورتحال كښې بهتري او د زرعي څانكې كاركردګۍ كښې د زياتوالي له امله مالی كال 2023-24ء كښې هېواد كښې معاشی هلو ځلو كښې د ښه والې په نتيجه كښې مجموعي قامي پیداوار د جی ډی پی شرح نمو 2.4 فیصد ؤ ۔د غنمو ، پومبې او وريژو پیداوار كښې د اضافې په نتیجه كښې د زرعي څانګې مجموعي كاركردګي ښه شوې۔ د كلن پلان له مخې د درآمدي ترجیحي اقدامات له امله صنعتونو لپاره د خام مال شتون كښې د ښه والې په نتيجه كښې د لويو صنعتی ادارو څانګې شرح نمو 0.1 فیصده ریكارډ كړې شوې ۔ دغسې د مالي كال 2022-23ء په مقابل كښې د تير مالی كال 2023-24ء په مهال سړي سر كلن آمدن كښې 23.5 فیصد اضافه شوې او سړي سر كلن آمدن 3 لكهه 84 زره 747 روپو په مقابل كښې 4 لكهه 75 زره 281 روپو ته رسيدلے ۔ رپورټ له مخې د قامي بچتونو شرح نمو 2023-24ء په مهال 13 فیصد ریكارډ كړې شوي دغسې د مالی كال 2022-23ء شرح نمو 13.2 فیصد ریكارډ كړې شوې وه د سود وركولو او ګټې وغیره بهرنو هېوادونو ته د منتقل كيدو باوجود تجارتی خساره كښې كمے راغلے ۔ د مالي كال 2023-24ء په مهال د جولائی نه تر اپریل قامی برآمدات كښې 10.6 فیصد اضافې سره د برآمدات مالیت 25.7 اربه ډالره ته رسيدلے دغسې د مالي كال 2022-23ء په دې موده كښې مجموعي قامي برآمدات 23.2 اربه ډالره وؤ۔ رپورټ له مخې قامي برآمدات كښې 5.3 فیصد كمے راغلے او د جولائي ۔اپریل 2023-24ء په مهال د هېواد درآمدات حجم 43.4 اربه ډالره كم شوے دغسې د مالی كال 2022-23ء په مهال د درآمدات مجموعي مالیت 45.8 اربه ډالره ؤ۔دې نه ځانله په مالي كال 2023-24ء كښې جولائی نه تر اپریل د پاكستان درآمدي بل كښې 25.2 فیصد كمے راغلے او درآمدي بل 12.3 اربه ډالره كم شوے دغسې د مالي كال 2022-23ء دې مودې په مهال امپورټ بل 16.5 اربه ډالره ؤ۔ د آئي ټي برآمدات 21.4 فیصد زيات شوي او برآمدات 2.1 اربه ډالره په مقابل كښې 2.6 اربه ډالره ته رسيدلې،بهر هېوادونو كښې مېشته پاكستانیانو د اړخه رالېږلې شوي ترسیلات زر كښې د مالی كال 2023-24ء د جولائی نه تر اپریل په مهال 3.5 فیصد زياتوالے راغلے او د ترسیلات زر حجم 23.9 اربه ډالره ته رسيدلے٬ دغسې په مالي كال 2022-23ء كښې د ترسیلات زر راتلل 23 اربه ډالره ریكارډ كړې شوي۔ د روان مالی كال په مهال هېواد كښې شوې نيغ په نيغه غیر ملكي سرمایه كاري د جولائی نه تر اپریل 2023-24ء په مهال 233 فیصده اضافې سره 1.3 اربه ډالره ته رسيدلې دغسې د مالی كال 2022-23ء دې موده كښې پاكستان كښې شوې نيغ په نيغه غیر ملكي سرمایه كاري 0.4 اربه ډالره وه ۔ په مئی 2024ء كښې د پاكستان د زرمبادله مجموعی پانګې 14.3 اربه ډالره ته رسيدلې چې پكښې سټیټ بینك آف پاكستان سره 9.1 ارب ډالره وؤ ٬ دغسې جون 2023ء كښې سټیټ بینك آف پاكستان سره 4.4 اربه ډالره د زرمبادله پانګې موجود وي۔
مالي كال 2023-24ء كښې د جولائی نه تر اپریل پاكستان كښې نيغ په نيغه شوې غیر ملكي سرمایه كاري 233 فیصد زياته شوې ، د درآمدات حجم 5.3 فیصد كم شوے
مضمون کا ماخذ : ہرکیولس اور پیگاسس
متعلقہ مضامین
.jpg)
