اسلام آباد 29 اپرېل (اے پي پي)د برېښنا وفاقي وزير خرم دستګير خان وئېلي دي چې د برېښنا د بحران ذمه وار پخوانې حكومت دے٬د ايندهن نشت والي او تكنيكي خرابي د بحران بنيادي وجه ده٬كه پخواني حكومت د ايندهن په وخت انتظام كړی ؤ نو موجوده مسئلو سره به نه مخ كېدو٬د ايندهن شته والي له امله 5739 مېګاواټ برېښنا پیداوري صلاحيت څخه مونږ استفاده نه كوو٬ قرضې 2450 ارب روپۍ ته رسېدلې دي٬آر اېل اېن جي او فرانس آئل انتظام كوو٬د يكم مئي څخه به د برېښنا په پېداوار كښې اضافه پیل شي٬ په لوډشېډنګ كښې به په راتلونكو لسو ورځو كښې تر ډېر حده كمې راشي٬د مدينې رياست ادعا كونكي د مسجد نبوي تقدس ته زيان رسولې٬سعودي چارواكو په وخت اقدامات كړي٬هيله لرو چې راتلونكې به داسې پیښه نه رامخې ته كېږي۔ده د دې خيالاتو څرګندونه د جمعې په ورځ د برېښنا وزيرمملكت هاشم نوتيزئي سره پرېس كنفرنس ته د وېنا كولو په مهال وكړه۔خرم دستګير خان ووئيل چې دا مهال په ټول هېواد كښې د برېښنا بحران دے او د څه په سوب چې لوډشېډنګ كېږي٬د لوډشېډنګ وړومبې سبب د ايندهن نشت والې دې٬د ايندهن نشت والي په سبب 5739 مېګاواټ برېښنا پېداواري صلاحيت څخه مونږ استفاده نه كوو٬د آر اېل اېن جي٬فرانس آئل او كوئلې نشت والي په سوب دا مسئله پیدا شوې ده۔ځينې پاور پلانټې د غلط او نااهل منيجمنټ په سبب دا مهال مرمت لپاره بند كړی دې٬د تكنيكي خرابۍ په سبب 2156 مېګاواټ برېښنا نشته٬د برېښنا غلا مخ نيوي لپاره اقدامات كولې كېږي اوم د ټولو معاملاتو څارنه كېږي٬د ډسټري بيوشن كمپنو ډلې جوړې كړی شوي دغسې چې د اختر په ورځو كښې د كوم تكنيكي خرابۍ په سبب نورې مسئلې رامخې ته نه شي هم د دې مقصد لپاره د ډسټري بيوشن كمپنو عملې د اختر رخصتي هم منسوخ كړی ده۔وزيراعظم د يكم مئي څخه د لوډشېډنګ خاتمې هدايت كړی دې دا مسئله به مونږ حل كوو٬د پیټروليم وزارت آر اېل اېن جي راغواړي٬هيله ده چې د يكم مئي څخه به دا مونږ ته ترلاسه كېدل پیل شي٬فرانس آئل به هم د مئي 7مې نېټې څخه ترلاسه كېږي او راتلونكو څو ورځو كښې به نور ګيس هم راشي٬د دې نه پس به راتلونكو لسو ورځو كښې لوډشېډنګ كښې هم تر ډېر حده كمې راشي۔ده ووئيل چې زما د ذمه وارو سنبهالولو 65 ساعتونه شوي٬معاملاتو ته مو پام كړې٬د ټولو ډسټري بيوشن كمپنو ريونيو اهدافو هم جائزه اخستلې كېږي٬د برېښنا غلا كونكو مخ نيوي لپاره قانون نافذ كونكو ادارو مرسته هم ترلاسه كېږي٬ټولو ډسټري بيوشن كمپنو ته هدايت كړې چې هغوي كوم هم بېړني صورتحال مخ نيوي لپاره اضافي ټرالي ټرانسفارمرز شته والې باوري كړي۔مونږ به هڅې كوو چې زيرالتوا كنكشنز هم زر ولګولې شي۔ده ووئيل مونږ اولسي نمائندګان يو او زمونږ مقصد دې چې ډسټري بيوشن كمپنو كښې د ګيلو ازالې وكړې شي ٬د يكم مئي څخه د برېښنا په پېداوار كښې اضافه پېل شي۔ده ووئيل چې د تېرو كلونو څخه سږ كال اپرېل كښې د برېښنا په طلب كښې اضافه زياته ده۔د يوې پوښتنې په ځواب كښې خرم دستګير ووئيل چې د پیټروليم وزارت د آر اېل اېن جي شته والې لپاره كار پېل شوې دې۔زمونږ هڅه ده چې د برېښنا مسئله حل كړو۔د يوې پوښتنې په ځواب كښې ده ووئيل چې د برېښنا په طلب كښې د يوې اونۍ په مهال د دوه نه درې زره مېګاواټ اضافه شوې۔وزيراعظم ته د 20 زره مېګاواټ طلب په حساب بريفنګ وركړی شوې مونږ د 23 زره مېګاواټ طلب له مخې اقدامات كوو٬راتلونكو د لس نه دولس ورځو كښې لوډشېډنګ نيم پاتې شي۔ده ووئيل چې دا مهال ګرځنده قرضې تقريبا 2450 اربه روپۍ دې٬كله چې په كال 2018 كښې د مسلم ليګ(ن)حكومت موده ختمه شوه نو هغه مهال ګرځنده قرض 1060 ارب روپۍ ؤ او هغه مهال لوډشېډنګ صفر و٬دا مهال ګردشي قرضه زمونږ د دور حكومت څخه يو په دوه زيات شوې۔ده ووئيل چې پرون په مدينه منوره كښې كومه پېښه رامخې ته شوې هغه افسوس وړ ده٬د مدينه رياست ادعا كونكي د مسجد نبوي تقدس ته زيان رسولې٬زما استدعا ده چې د نفرت او تعصب سياست ختمول پكار دي او دا په هېواد كښې دننه محدود ساتلې شي۔د پلاوي غړو د صبر و تحمل څرګندونه كولو سره په سنت نبوي عمل كړی ځكه چې مونږ خو د نبي اكرم(ص)پيروكار يو چاچې به د ډېرو ظلمونو باوجود ظالمانو ته دعاګانې كولې۔د سعودي چارواكو مننه كوو چې د هغوي په وخت اقداماتو كولوهيله لرو چې راتلونكې كښې به دا ډول پېښه رامخې ته نشي
د برېښنا د بحران ذمه وار پخوانې حكومت دے٬د يكم مئي څخه به د برېښنا په پیداوار كښې اضافه پېل شي٬په لوډشېډنګ كښې به په راتلونكو لسو ورځو كښې تر ډېر حده كمې راشي۔د برېښنا وفاقي وزير خرم دستګير خان پرېس كنفرنس
مضمون کا ماخذ : لاٹری جیتنے کی ترکیبیں
متعلقہ مضامین
.jpg)
.jpg)
