اسلام آباد۔21اکتوبر(اے پی پی)قومی اسمبلی ݙوترہائی اکثریت نال 26ویں آئینی ترمیم منظور کر ڳھدی اے جیندے نال چیف جسٹس سپریم کورٹ دی تقرری دی مدت 3 سال ہو سی، 12 رکنی پارلیمانی کمیٹی 3 سینئر ترین ججز دے پینل اچوں نویں چیف جسٹس دا ناں وزیر اعظم کوں پیش کریسی، سپریم کورٹ دے ججز لاوݨ کیتے چیف جسٹس سپریم کورٹ دی سربراہی اچ جوڈیشل کمیشن آف پاکستان ٻݨایا ویسی جیندے اچ چیف جسٹس سودھا چار سینئر ترین ججز، ق??می اسمبلی اتے سینٹ توں ݙو ݙو اراکین وی
شامل ہوسن ڄݙاں جو ملک توں یکم جنوری 2028 ت??یں سودی کاروبار مکا ݙتا ویسی۔ قومی اسمبلی اچ وف??قی وزیر پارلیمانی امور اعظم نذیر تارڑ تحریک پیش کیتی جو دستور 26 واں ترمیم بل 2024 سینیٹ توں منظور کیتی شکل اچ زیر غور ڳھن آیا ونڄے۔ سپیکر سردار ایاز صادق ایوان توں تحریک دی منظوری ڳھدی۔ تحریک دے حق اچ 225 اتے مخالفت اچ 12 ووٹ آئن جیندے ??عد اعظم نذیر تارڑ بل ایوان اچ پیش کیتے۔
سپیکر قومی اسمبلی ایوان توں بل دی اراکین دے ووٹ نال شق وار منظوری ڳھدی۔ وزیر قانون ایوان اچ بل منظوری کیتے پیش کیتے۔ سپیکر ڈویژن دی تفصیلات دا ارکان کوں ݙسایا۔ ووٹنگ کیتے ݙو گیلریاں رکھیاں ڳن۔ ایوان ݙو ترہائی اکثریت نال ڈویژن دی بنیاد تے 26 ویں آئینی ترمیم بل 2024 دی منظوری ݙتی۔ بل دی منظوری دی تحریک دے حق اچ 225 اتے مخالفت اچ کل 12 ووٹ آئن۔ 26ویں آئینی ترمیم دے بل اچ27 ترامیم ہین۔ حکومتی اتحادی جماعتاں سودھا اپوزیشن جماعت جمعیت علمائے اسلام (ف) وی آئینی ترمیم دے حق اچ ووٹ ݙتے۔ 26ویں آئینی ترمیم دے بل 2024 اچ آئین دے آرٹیکل 175 اے اچ ترمیم کیتی گئی اے جیندے مطابق سپریم کورٹ دے ججاں دی تقرری کیتے چیف جسٹس پاکستان دی سربراہی اچ جوڈیشل کمیشن آف پاکستان ٻݨایا ویسی جیندے اچ 3 سیئنر ترین جج، آئینی بنچز دے پریزائیڈنگ جج رکن ہوسن۔ وف??قی وزیر قانون و انصاف، اٹارنی جنرل آف پاکستان، سپریم کورٹ اچ 15سالہ تجربے دا پاکستان بار کونسل ولوں نامزد وکیل( 2 سال کیتے)، خاتون یا غیر مسلم جیڑھا رکن پارلیمان نہ ہووے اتے او سینیٹ اچ ٹیکنوکریٹ منتخب تھیوݨ دی اہلیت رکھدا ہووے، اوکوں سپیکر قومی اسمبلی 2 سال کیتے نامزد کریسی۔ قومی اسمبلی اتے سینٹ توں قائد ایوان اتے قائد حزب اختلاف ہک ہک رکن نامزد کریسن، ڄیکر کہیں ویلھے قومی اسمبلی نا ہووے تاں ول اے اراکین سینٹ توں ہوسن، اے جوڈیشل کمیشن آف پاکستان آئینی بینچ دا تقرر وی کریسی، ججز دی تقرری دے نال نال انہاں دی کارکردگی دی جانچ پڑتال کیتے ہک طرقیہ کار ٻݨایا ویسی، ڄیکر کہیں جج دی کارکردگی یا صلاحیت دے مسلے ہوئے تاں اے جوڈیشل کمیشن سپریم جوڈیشل کونسل کوں رپورٹ کریسی۔ آئینی ترمیم دے مطابق چیف جسٹس دی تقرری دی میعاد 3 سال ہوسی، چیف جسٹس کیتے عمر دی حد 65 سال ہوسی ٻھل چیف جسٹس پہلے 3 سال دا دورانیہ مکمل کرڳھندے تاں او سبکدوش تھی ویسی۔ چیف جسٹس لاوݨ کیتے 3 سینئر ترین ججاں اچوں ݙو ترہائی اکثریت نال پارلیمانی کمیٹی کوئی ہک ناں وزیراعظم کوں ٻھڄویسی ڄیڑھا چیف جسٹس دی تقرری کیتے صدر مملکت کوں بھجوایا ویسی۔ اے پارلیمانی کمیٹی 12 اراکین دی ہوسی جیندے اچ متناسب نمائندگی دی بنیاد تے ممبران دی نامزدگی پارلیمانی لیڈر کریسن۔ پارلیمانی کمیٹی اچ 8 اراکین قومی اسمبلی، 4 سینیٹ توں ڳھدے ویسن۔ کمیٹی 26 ویں آئینی ترمیم دی منظوری دے ??عد چیف جسٹس دی ریٹائرمنٹ توں 3 ݙینھ پہلے اے نامزدگی تجویز کریسی۔ کمیٹی دا اجلاس ان کیمرہ ہوسی اتے ایندی کارروائی تے آرٹیکل 68 لاگو نہ تھیسی۔ آئین دے آرٹیکل 191 دے ??عد نواں آرٹیکل 191 اے شامل کیتا ڳئے جیندے مطابق سپریم کورٹ اچ آئینی بینچ ٻݨائے ونڄ سڳسن ڄیڑھے سپریم کورٹ دے ججز تے مشتمل ہوسن، ایندے اچ ہر صوبے توں برابر نمائندگی ہوسی، انہاں اچوں سینئر ترین جج آئینی بینچاں دا پریذائیڈنگ جج ہوسی۔ آرٹیکل 185 دی شق 3 دے تحت بینچ اچ اراکین دی تعداد 5 توں ڳھٹ نا ہوسی۔ آرٹیکل 193 اچ ترمیم نال ہائی کورٹ دا جج ٻݨݨ کیتے عمر دی حد 45 سال توں ڳھٹ کرتے 40 سال کرݙتی ڳئی اے، ایندے کیتے بطور وکیل ہائیکورٹ 10 سال دا تجربہ ہووݨ لازمی ہوسی۔ آرٹیکل 202 دے ??عد 202 اے دا اضافہ تھیوݨ توں ??عد ہائیکورٹ اچ وی آئینی معاملات نمٹاوݨ، آئین دی تشریح بارے کیس نمٹاوݨ کیتے آئینی بینچ ٻݨائے ویسن جیندا سربراہ نامزد ججاں اچوں سینئر ترین جج ہوسی۔ آئین دے آرٹیکل 209 اچ سپریم جوڈیشل کونسل ٻݨاوݨ دا آکھیا قعے جو اے کونسل چیف جسٹس آف پاکستان 2 سینئر ترین سپریم کورٹ اتے 2 سینئر ترین ہائیکورٹ دے ججز تے مشتمل ہوسی۔ ڄیکر کہیں ہائیکورٹ دا چیف جسٹس آئینی بینچ دا سربراہ ہویا تاں ٻیا سینئر ترین جج کمیشن دا ممبر ہوسی۔ آئینی ترمیم اچ آرٹیکل 9 اے ودھایا قئے جیندے نال کہیں وی شخص کوں صاف اتے صحت مند ماحول ݙیوݨ اوندا حق ہوسی۔ اسلامی نظریاتی کونسل، وف??قی شرعی عدالت اتے سود مکاوݨ سودھا 5 ترامیم وی آئینی ترمیم دا حصہ ہین۔ آرٹیکل 184 دے تحت ازخود نوٹس دا اختیار آئینی بنچز کولو ہوسی۔ آرٹیکل 186 اے دے تحت سپریم کورٹ ہائی کورٹ دے کوئی وی کیس کہیں ہک ہائی کورٹ توں ݙوڄھی ہائی کورٹ منتقل کرسڳسی۔ ہک ٻئی ترمیم دے تحت وزیر اعظم یا کابینہ ولوں صدرمملکت کوں بھجوائی گئی ایڈوائز تے کوئی عدالت، ٹربیونل یا اتھارٹی سوال نہ کر سڳسی۔ سود کوں مکاوݨ کیتے آرٹیکل 38 اچ شق ایف اچ ترمیم کیتی گئی اے جیندے یکم جنوری 2028 ت??یں ڄے ت??یں ممکن تھیا ملک توں سود مکا ݙتا ویسی۔(ج،م)16:30
