پېښور 18 فروري (اے پي پي) د اطلاعات او خپرونو وفاقي وزير سينېټر شبلي فراز وئيلي دي د اپوزېشن د غلا په وجه پاكستان قرض دارے شوے، د تيرو واكدارانو د غلا په وجه خرڅونه زيات شوي،وزيراعظم په خپل كور كښې مېشته دے او كوم كيمپ آفس نه لري، د تحريك انصاف د اول نه دا موقف ؤ چې ټاكنې بايد د اوپن بيلټ د لارې وكړې شي۔ ده د زيارت په ورځ پېښور كښې ميډيا سره خبرې كولې۔ وفاقي وزير سينېټر شبلي فراز ووئيل ټول هېواد كښې د صحت نظام كښې ښه والے راولو، صحت كارډ به د فرق نه غير ټولو كورنيو له وركولې شي خو د سندھ حكومت د صحت نظام زيات خراب دے۔ده ووئيل خېبر پښتونخوا كښې د 8 كلونو راهسې زمونږ حكومت دے، صوبه كښې د تحريك انصاف حكومت په ټولو څانګو كښې كار كړے۔ده ووئيل پخوا هم دغه ګوندونه د اوپن بيلټ مرستياله وؤ خو چې څنګه زمونږ حكومت په دې لړ كښې كوټلي ګامونه واغستل نو دې اپوزيشن د اوپن بيلټ مخالف وكړو، دې څخه څرګنده شوې چې اپوزيشن هېواد كښې شفاف ټاكني نه غواړي۔سينېټر شبلي فراز ووئيل عمران خان د كرپشن ختمولو لپاره هلې ځلي كړي اوس د اليكټرانك ووټ د لارې ټاكنې سپيځلې كولو له هڅې كوي
د اپوزيشن د غلا په وجه پاكستان قرض دارے شوے، د اوپن بيلټ مخالفت څخه څرګنديږي چې اپوزېشن هېواد كښې سپيځلې ټاكني نه غواړي، د اطلاعات او خپرونو وفاقي وزير سينېټر شبلي فراز
مضمون کا ماخذ : بہت کچھ
متعلقہ مضامین
