نيويارك 20 ستمبر (اے پي پي) وزيراعظم محمد شهباز شريف د ملګرو ملتونو د عمومي اسمبلۍ په 77مه غونډه كښې ګډون لپاره نيويارك ته رسېدلې۔د وزيراعظم آفس مېډيا ونګ لخوا جاري شوي بيان له مخې د نيويارك په كے جان اېف كينيډي انټرنېشنل هوائي مېدان په ملګرو ملتونو كښې د پاكستان مستقل استازي منير اكرم٬په واشنګټن كښې د پاكستان سفير مسعود خان٬په نيويارك كښې د پاكستان قونصل جنرل عائشه علي او نورو اعلٰی چارواكو د وزيراعظم محمد شهباز شريف هركلے وكړو۔هغه د ملكه برتانيه الزبته دوم په آخري رسومات كښې د ګډون كولو نه پس د برتانيې څخه نيويارك ته رسېدلې۔په نيويارك كښې د اے پي پي نمائنده له مخې د نهې په ورځ به وزيراعظم شهباز شريف د ملګرو ملتونو عمومي سېكرټري جنرل انتونيو ګوتيرس لخوا په وركړې شوې استقباليه كښې ګډون كوي۔هغه به د فرانس او سپين صدرانو او د آسټريا چانسلر سره هم ملاقاتونه كوي۔د وزيراعظم محمد شهباز شريف د اروپائي ائتلاف صدر چارلس مائيكل سره ملاقات او د نړيوال غذائي تحفظ په اړه د سينيګال صدر او د افريقې يونين په كوربتوب كښې د كېدونكو مشرانو په غونډه كښې ګډون هم په ايجنډا كښې شامل دې۔وزيراعظم محمد شهباز شريف به د شورو په ورځ د آئي اېم اېف منېجنګ ډائرېكټر كرستالينا جارجيو او د نړيوال بانك صدر ډيوډ ملپاس سره هم ليدل كوي۔وزيراعظم به د تركيې صدر رجب طيب اردوان او د ايران صدر ابراهيم رئيسي سره هم ملاقات كوي۔هغه به د ملګرو ملتونو جنرل اسمبلۍ صدر ساباكوروسي سره ملاقات كوي او د امريكې صدر لخوا وركړی شوې استقباليه كښې د ماسختن په مېلمستيا كښې ګډون كوي۔وزيراعظم به د فن لينډ صدر سائولي ني نيستو سره ملاقات كوي او د تركيې صدر او د هغه د كور ودانې په اعزاز كښې به د ماسپخښين مېلمستيا وركوي۔د مائيكرو سافټ مؤسس بل ګېټس٬ د ملګرو ملتونو مشر٬د چين صدر او د جاپان وزيراعظم سره ملاقاتونه هم د وزيراعظم په ايجنډا كښې شامل دي۔وزيراعظم شهباز شريف به د لكسمبرګ وزيراعظم زاویئر بیټل او د ملائېشيا وزيراعظم اسماعيل صابري يعقوب سره هم ملاقات كوي۔وزيراعظم به د نړيوال ابلاغ ذريعو سره خبرې هم كوي۔وزيراعظم شهباز شريف به د ستمبر په 23مه نېټه د ملګرو ملتونو عمومي اسمبلۍ ته خطاب هم كوي
وزيراعظم د ملګرو ملتونو په 77مه غونډه كښې ګډون لپاره نيويارك ته رسېدلې
مضمون کا ماخذ : پاور بال
متعلقہ مضامین
.jpg)
