اسلام آباد۔16نومبر(ا?? پی پی) وزیرِاعظم محمد شہباز شریف ض??ع قلات دے علاقے جوہان اچ دہشتگرداں دے نہتے شہریاں تے حملے دی ش??ید الفاظ اچ مذمت کریندے واقعے اچ جاں بحق لوکاں سانڳے اُچے درجات تے گھرآلیں سانڳے صبر دی دعا منڳی ۔ وزیراعظم آفس دے میڈیا ونگ توں جاری بیان موجب وزیرِاعظم واقعہ اچ زخمی تھیوݨ آلے لوکاں کوں بہترین طبی سہولتاں ݙیوݨ دی ہدایت کیتی اے ۔وزیرِاعظم واقعہ اچ ملوث لوکاں دے خلاف وختی کاروائی تے انھاں کوں قرار واقعی سزا ݙیواوݨ دی ہدایت کریندے آکھیے دہشتگرداں دا نہتے شہریاں تے بزدلانہ حملہ قابل مذمت اے،بلوچستان اچ انتشار اتے بدامنی کھنڈاوݨ آلے عناصر بلوچستان دے لوکاں تے ایندی ترقی دے دشمن ہن ۔وزیرِاعظم آکھیے ایجھے مذموم ہتھکنڈے حکومت دے بلوچستان دی ترقی و خوشحالی دے عزم کوں جھکا نی کرسڳدے، دہشتگرداں دے بزدلانہ حملے بہادر پاکستانی قوم دے حوصلے جھکے نی کرسڳدے ۔وزیرِاعظم آکھیے پاکستان دے دشمناں دے ناپاک عزائم مٹی اچ رلا تے رہسوں ،دہشتگردی دی عفریت ملک توں منڈھوں مُکاوݨ تئیں ایندے خلاف جنگ جاری رکھیسوں۔
