اسلام آباد۔30اکتوبر(اے پی پی) وفاقی وزیر بح??ی امور قیصر احمد ??یخ پاکستان دی بلیو اکانومی کوں تکڑا بݨاوݨ سانڳے سٹریٹجک شراکت داری تے زور ݙتے ۔ انھاں نیشنل انسٹی ٹیوٹ آف میری ٹائم افیئرز (این آئی ایم اے) دا دورہ کیتے جیں اچ وزارت بح??ی امور اتے این آئی ایم اے وچال ودھ توں ودھ تعاون دی اہمیت کوں اجاگر کیتا ڳئے تاں جو پاکستان دے بح??ی شعبہ تے ملک دی بلیو اکانومی اچ ترقی کوں اڳوں ودھایا ونڄ سڳے ۔وفاقی وزیر ایکو کلچر، گرین شپنگ، میری ٹائم ٹورازم اتے گرین شپ ری سائیکلنگ جیھے اہم بح??ی شعبیں کوں اڳوں ودھاوݨ اچ دلچسپی ڳھدی ۔وفاقی وزیر قیصر احمد ??یخ دورے تے میری ٹائم پالیسی بݨاوݨ ، تحقیق کرݨ تے پاکستان دے بح??ی مفادات کوں اڳوں ودھاوݨ اچ این آئی ایم اے دے کردار تے تفصیلی بریفنگ ڳھدی۔ بریفنگ اچ ایں ڳالھ تے زور ݙتا ڳئے جو پاکستانی سمندری معیشت ایں ویلھے ملکی جی ڈی پی دے 0.2 فیصد توں وی گھٹ نمائندگی کریندی اے جیڑھی وج 8-10 فیصد دے عالمی معیار دے بالکل برعکس اے۔این آئی ایم اے دی حکومتی، قومی اتے بین الاقوامی شراکت داراں نال جاری شراکت داری کوں وی بح??ی شعبے اچ ترقی کوں تکھا کرݨ سانڳے ضروری قرار ݙتا ڳئے ۔ بریفنگ اچ بلیو اکانومی دے مختلف پہلوواں بارے مختلف امکانات ڳولݨ دا جائزہ ڳھدا ڳئے تے ملک دے سمندری وسائل کوں بروئے کار گھن آوݨ سانڳے مربوط قومی ایکشن پلان دی لوڑھ دی نشاندہی کیتی ڳئی ۔ وفاقی وزیر میری ٹائم دے سارے شعبیں اچ ترقی سانڳے مستقبل دا روڈ میپ بݨاوݨ سانڳے وزارت بح??ی امور تے این آئی ایم اے اتے ٻئے میری ٹائم سٹیک ہولڈرز وچال کوششاں دی اہمیت تے زور ݙتا۔
