اسلام آباد۔14اکتوبر(اے پی پی)وفاقی وزیر اطلاعات، نشریات، قومی ورثہ و ثقافت عطاء اللہ تارڑ آکھیے جو 15 اکتوبر کوں اسلام آباد اچ احتجاج دی کال ??یو?? غیر ذمہ داری اتے غیر سنجیدگی دا ثبوت اے۔ اے ڳالھ انہاں پاک چائنہ فرینڈ شپ سینٹر اچ میڈیا فیسلٹیشن سینٹر دے افتتاح دے بعد میڈیا کوں سوالاں دا ولدا ݙیندے آکھی۔ انہاں آکھیا جو ہک پاسو انا پرستی اتے ٻئے پاسو حب الوطنی اے، پاکستان توں وݙا کوئی سیاسی رہنما یا جماعت کائنی، پی ٹی آئی اچ آپت دے اختلافات ودھدے ویندن، پارٹی دے اپݨے سینئر رہنماواں این??ی مخالفت کیتی اے، آے آپس اچ ٻھردے لوک ہین، ڄیکر انہاں احتجاج کرݨے تاں اپݨے گھر اچ ٻیح تے کرن، اسلام آباد اچ سکیورٹی سخت اے، جتھاں کہیں کوں احتجاج نا کرݨ ݙتا ویسی۔ انہان آکھیا جو شنگھائی تعاون تنظیم دے سربراہی اجلاس کیتے جدید ترین میڈیا فیسلیٹیشن سینٹر ٻݨاوݨ سنیہا اے جو پاکستانی امن پسند لوک ہین اتے پورے خطے دے امن و خوشحالی تے یقین رکھدن، ایس سی او خطے دے امن و خوشحالی کیتے اہم کردار ادا کر سڳدی اے، وزیراعظم شہباز شر??ف شنگھائی تعاون تنظیم دے سربراہ اجلاس اچ فلسطین و کشمیر دے تنازعات تے پاکستان دا وڄح موقف رکھسن کہ غزہ اچ معصوم اتے نہتے فلسطینیاں دی نسل کشی تھیندی پئی اے، جنگی جرائم ورتیے ویندے پن، اسرائیل دی ایندے تے پکڑ تھیوݨی چاہیدی اے، پاکستان فوری جنگ بندی اتے 1967 توں قبل دی فلسطینی سرحداں دی حمایت کریندے اتے آزاد فلسطینی ریاست دا مطالبہ کریندے۔ انہاں آکھیا جو حکومت پاکستان چینی شہریاں دی حفاظت کیتے سخت ترین انتظامات کیتن، وزیراعظم محمد شہباز شر??ف دی چینی شہریاں دے تحفظ دے اقدامات تے ودھ توجہ اے۔
پی ٹی آئی دی احتجاج دی کال غیر ذمہ داری اتے غیر سنجیدگی دا ثبوت اے، وزیر اطلاعات و نشریات
مضمون کا ماخذ : سپرمین: فلم
متعلقہ مضامین
