اسلام آباد۔21 مئی(اے پی پی) د اطلاعات او خپرونو وفاقي وزير چوهدري فواد حسېن وئيلي دي پاكستان په بې ګناه او تش لاسې فلسطيني اولس د اسرائيلي جارحيت مخنيوي كښې مهم كردار ترسره كړے كوم چې د دوو اونيو نه په مړانه د اسرائيلي قابض پوځ د بې درېغه بمبارۍ او ګوله بارۍ پرله پسې مقابله وكړه۔ د جمعې په ورځ د وزيراعظم عمران خان په اپيل ګرد هېواد كښې كشمير سره د يو والي ورځې لمانځلو په مهال غېر ملكي ميډيا سره خبرو كښې وفاقي وزير ووئيل د ملګرو ملتونو عمومي اسمبلۍ خصوصي غونډه كښې پاكستان يو مضبوط دريځ خپل كړے۔ د ملګرو هېوادونو ملاتړ ئې ترلاسه كړو او د فلسطيني اولس په ناوړه حالت ئې د حقيقي جذبې څرګندونه وكړه۔ هغه ووئيل د دې هڅو په نتيجه كښې د حماس او اسرائيل ترمينځه سيز فائر رامخې ته شو كومه چې د فلسطيني اولس ستونزو كمولو له د پاكستان او ملګرو هېوادونو لويه كاميابي ده۔ هغه ووئيل د اسرائيلي پوځ جارحيت په ضد د پاكستان غبرګون ښكاره ؤ كوم چې په سمدستي توګه نړيوالې ورورولۍ ته ورسېد په كوم كښې چې زور راوړلے شوے ؤ چې په فلسطيني اولس روان ظلم او زياتې بايد بند كړے شي۔ د تاؤ تريخوالي لرې كولو له هغه د حكومتي هڅو ذكر كولو سره ووئيل وزیراعظم عمران خان مکه مکرمه (سعودی عرب) كښې د اسلامی تعاون تنظیم (او آئی سی) سېکرېټری جنرل سره ملاقات او د سعودي باچا او د فلسطين او تركيه صدر سره ټېلېفوني تماس نيولے ؤ ۔ هغه ووئيل خارجه وزير شاه محمود قرېشي هم د فلسطين په صورتحال خپل د سعودي ، مصر، فلسطین، ترکی، افغانستان، چین، امریکې او سوډان همڅنګو سره تېلېفوني خبرې كړې دي۔ چوهدری فواد حسېن ووئيل خارجه وزير شاہ محمود قریشی د او آئی سی خارجه وزيرانو بېړنۍ غونډه كښې ګډون كړے او د فلسطين معامله ئې مخ په وړاندې بوتلې او د اسرائيل د ظلم او زياتي غندنې له سخت بيان جاري كړے شوے۔ وفاقی وزیر ووئيل د پاكستان قامي اسمبلۍ د اسرائيلي بربريت په ضد يو متفقه قرارداد منظور كړے كوم كښې چې د فلسطيني اولس د هڅو ملاتړ شوے۔ د اطلاعات وزير ووئيل په بې ګناه فلسطيني اولس جارحيت او په خاص توګه د روژې مباركه مياشت كښې د مسلمانانو د مقدس ځاے مسجد الاقصی محاصره كول د غندنې وړ كار دے۔ وفاقي وزير د مقبوضه فلسطين سيمو په حقله په ملګرو ملتونو كښې د پاكستان لخوا په وړاندې كړو قراردادونو او په خاص توګه د ملګرو ملتونو د سلامتي كونسل په قرارداد نمبر 271 زور راوړو كوم چې په كال 1969ء كښې د مسجد اقصي سېزلو پېښې نه وروستو منظور كړے شوے ؤ۔ وفاقی وزیر ووئيل پاكستان د بېت المقدس په شمول ټولو مقبوضه فلسطينو سيمو څخه د اسرائيل وتل او فلسطيني اولس ته د هغوي د خپلواكۍ حق وركولو په شمول د القدس پلازمينې سره يو آزاد او خپلواكه د فلسطين رياست جوړول غواړي۔ د يوې پوښتنې په ځواب كښې هغه ووئيل د فلسطينپه حقله د پاكستان د پالېسۍ بنياد قائد اعظم محمد علي جناح اېښودے ؤ او اوس وزيراعظم د دغه پالېسۍ امين دے۔ وفاقي وزير ووئيل پاكستان په خپلو داخلي او نړيوالو چارو كښې د كوم هېواد نه ډكټېشن نه دے اخستې او دا ځكه چې پاكستان ټول عمري د خپلې ګټې تر مخه پرېكړې كړي۔ د يوې بلې پوښتنې په ځواب كښې هغه ووئيل پاکستان هند سره امن غواړي او هند سره مذاكرات او تجارت پېل كولو له چمتو دے خو هند له به د 5 اګست كال 2019 پوزيشن ته بېرته تلل وي ولې چې مونږ د مقبوضه كشمير صورتحال نه سترګې پټولې نشوو
پاكستان په بې ګناه او تش لاسې فلسطيني اولس د اسرائيلي جارحيت مخنيوي كښې مهم كردار ترسره كړو٬ د اطلاعات او خپرونو وفاقي وزير چوهدري فواد حسېن غېر ملكي ميډيا سره خبرې
مضمون کا ماخذ : جوگوس ڈی لوٹیریا آن لائن
متعلقہ مضامین
