اسلام آباد۔29نومبر(اے پی پی) وزیراعظم محمد شہباز شریف آکھیے تحریک انصاف سیاسی جماعت کائنی بلکہ فتنہ اتے تخریب کاراں دا جتھہ اے، خیبرپختونخوا دی حکومت صوبہ اچ امن و امان تے توجہ ݙیوݨ دی بجائے ہر طرح دے سرکاری و??ائل نال وفاق تے لشکر کشی کریندی اے تے ݙینھ رات سازشاں اچ مصروف اے،تحریک انصاف کوں پاکستان کوں ضیان پڄاوݨ تے معیشت کوں سبوتاژ کرݨ دی ہرگز اجازت نہ ݙتی ویسی ،سیاسی جماعتاں سودھے پوری قوم کوں ھک مٹھ تھی تے اے یقینی بݨاوݨا ہوسی جو ایجھی صورت حال ول پیش نہ تھیوے ، اساکوں دشمنان پاکستان دے ہتھ روکݨ سانڳے ہر حد تئیں ونڄݨا ہوسی ۔ اے ڳالھ انہاں امن و عامہ دے حوالہ نال منعقدہ اعلیٰ سطح اجلاس اچ آکھی ۔ ایں موقع تے رینجرز اتے پولیس دے شہید اہلکاراں سانڳے دعائے مغفرت کرائی ڳئی۔ وزیراعظم شہباز شریف آکھیے کجھ ݙینھ پہلے خیبرپختونخوا توں سرکاری و??ائل اتے سازوسامان نال لیس جتھے اسلام آباد تے چڑھائی کیتی تے رستے اچ املاک کوں تباہ کیتے ، پولیس اتے رینجرز دے جواناں کوں شہید کیتا، درجناں اہلکار زخمی تھئن ، انھاں بلوائیاں دی و??ہ توں پاکستان دی معیشت کوں یومیہ 190 ارب روپے دا ضیان چاوݨا پئے ، کاروبار، برآمدات سودھے ہرشعبہ متاثر تھئے دنیا دے سامݨے پاکستان دی بدنامی تھئی، ایویں پہلی و??ری نی تھیا بلکہ 9 مہینے دے دور حکومت اچ تریجھی یا چوتھی و??ری وفاق تے لشکر کشی کیتی ڳئی ۔ وزیراعظم آکھیے ایجھے ناپاک عزائم دا 2014ء توں پہلے کوئی و??ود کائناں ہئی ،اوں ویلھے انھاں ڈی چو?? اچ 126 ݙینھ پاکستان دی رسوائی اتے معیشت دی تباہی کیتی ایجھی تخریب کاری دی پہلے مثال نی ملدی ، ایں دھرنے پاروں چین دے صدر دا دورہ ملتوی تھئے، اساں اوں ویلھے شاہ محمود قریشی دے ذریعے ترائے ݙینھ سانڳے دھرنا ملتوی کرݨ دی استدعا وی کیتی لیکن انہاں ساݙی ڳالھ نئیں منی ، ایں توں وݙی پاکستان دشمنی کوئی ٻئی نی تھی سڳدی، ایں توں ارباں ڈالر دی سرمایہ کاری اچ تاخیرتھئی ، اے سی پیک دے منصوبے کوں ناکام بݨاوݨ دی سازش ہئی جیں توں پاکستان دی ترقی، خوشحالی اتے روزگار جڑیا ہئی ایں دے بعد ایس سی او کانفرنس اتے چین دے وزیراعظم دے دورہ پاکستان دے موقع تے ول چڑھائی کیتی ڳئی ، ول سعودی عرب دے دورے تے ہݨ بیلاروس دے صدر دے دورہ پاکستان دے موقع تے لشکر کشی دا اعلان کیتا ڳئے ، ایں توں پچھوں تخریبی سوچ کارفرما اے، انہاں کوں ایں حوالے نال ݙینھ رات رہنمائی ݙتی ویندی اے ۔ وزیراعظم آکھیے اساں قانون نافذ کرݨ آلے اداریں ، پنجاب اتے سندھ دے وزراء اعلیٰ دی طرفوں معاونت تے انھاں دے مشکور ہیسے ۔ وزیراعظم آکھیے وزیر داخلہ، سیکرٹری داخلہ، چیف کمشنر، آئی جی اسلام آباد، چیف سیکرٹری و آئی جی پنجاب و سندھ پوری معاونت کیتی، انھاں دے وی مشکور ہیسے، اساں ملک کوں ھک پاسے ڈیفالٹ توں بچائے، آئی ایم ایف توں انہاں دی مخالفت دے باوجود پروگرام منظور کرائے، وݙے وݙے چیلنج تے گھمبیر حالات دا سامݨا کیتے، ہݨ ہولے ہولے حالات بہتر تھیندے پئن ، معیشت اچ استحکام آندا پئے ، سٹاک ایکسچینج ھک لکھ پوائنٹس توں ودھ ڳئی ، دشمنان پاکستان ایں کوں تباہ کرݨ چاہندن ، اساں ایں دی اجازت نی ݙے سڳدے اساکوں دشمنان پاکستان دے ہتھ روکݨ تے بھنݨِ سانڳے ہر اقدام چاوݨا ہوسی ، اساکوں سنجیدہ اتے پختہ سوچ و عمل نال اڳوں ودھݨا اے اساں خیبرپختونخوا حکومت دی ݙینھ رات دیاں سازشاں کوں روکݨا اے ۔ وزیراعظم مثبت معاشی ??شا??یں دا ذکر کریندے آکھیے اے ملکی معیشت دی بہتری دی ساݙی ہر کاوش کوں تہہ و بالا کرݨ تے تُلے ہوئن ساݙی کوششاں توں مہانگ دی شرح تے افراط زر سنگل ڈیجٹ تے آ چکے، پالیسی ریٹ 15 فیصد تئیں آڳئے ، دوست ملکاں توں سرمایہ کاری آندی پئی اے ۔ وزیراعظم آکھیے تحریک انصاف ھک سیاسی جماعت کائنی بلکہ فتنہ اتے تخریب کاراں دا جتھہ اے، اسلام آباد تے چڑھائی کرݨ آلے تخریب کاراں دے خلاف ایف آئی آر درج کرتے انہاں کوں سزاواں ݙتیاں ویسن ، انھاں دا اصل چہرہ بے نقاب کرݨ ساݙی قومی ذمہ واری اے، خیبرپختونخوا ساݙا سوہݨا اتے پاکستان دے وفادار اتے بہادر لوکاں دا صوبہ اے اساکوں ایں بارے سوچݨا اے، صوبہ دی موجودہ حکومت ݙساوے جو اوں آپݨے موجودہ دور اچ کیا اقدامات چاتن، اساکوں ݙیکھݨا ہوسی جو پاکستان کوں ایں جتھے دے حوالے کرݨا اے یا ایں کوں سنوارݨا اے ؟ پارا چنار دے حالات تے دل خون دے ہنڄوں روندے ، اے ھک مذموم سازش اے لیکن صوبائی حکومت جیں کوں عوام مینڈیٹ ݙتے، ایں کوں کوئی احساس کائنی، اے ”تخریب انصاف” کائنی بلکہ ’’تخریب انصاف ‘‘ اے ، انھاں دا بانی ݙینھ رات کوڑ مارݨ آلا بندہ اے ایں کوں ملک دا کوئی احساس کائنی میں آپݨی 40 سالہ سیاسی زندگی اچ ایں قسم دی مذموم سوچ کہیں ٻئی سیاسی جماعت اتے بندے اچ نی ݙٹھی، انھاں پارا چنار اچ خونریزی بند کراوݨ دی بجائے اسلام آباد تے لشکر کشی شروع کرݙتی،اے پاکستان دی تباہی اتے معیشت کوں ٻوڑݨ دے مذموم ایجنڈے تے عمل کریندے پئن ، انھاں کوں پاکستان دی کوئی پرواہ کائنی،اساں انہاں کوں پاکستان کوں کہیں وی طرح ضیان پڄاوݨ دی اصلوں اجازت نہ ݙیسوں انہاں ایں امر تے زور ݙتے جو سیاسی جماعتاں سودھے پوری قوم کوں ھک مٹھ تھی تے اے یقینی بݨاوݨا ہوسی جو ایجھی صورت حال ول نہ تھیوے
خیبرپختونخوا حکومت سرکاری وسائل نال وفاق تے لشکر کشی کریندی اے ، پاکستان کوں ضیان پڄاوݨ تے معیشت کوں سبوتاژ کرݨ دی اجازت نہ ݙتی ویسی ، وزیراعظم شہباز شریف
مضمون کا ماخذ : موبائل سے لاٹری کھیلیں
متعلقہ مضامین
