اسلام آباد۔2دسمبر(اے پی پی)وفاقی وزیر اطلاعات و نشریات چوہدری فواد حسین آکھیے جو بلدیاتی انتخابات ای وی ایم تے ہی تھیسن، پنجاب اچ ویلج کونسل دا نواں اسٹرکچر آسی، اپوزیشن ڄاݨ بڄھ تے انتخابی اصلاحات تے ٻاھندی کیوں جو انہاں کوں پراݨا نظام ہی ٻھاندے۔ اے ڳالھ انہاں اسلام آباد اچ پی ٹی آئی دی کور کمیٹی دے اجلاس توں بعد میڈیا بریفنگ اچ آکھی۔ انہاں آکھیا جو پی ٹی آئی دی کور کمیٹی دا اجلاس وزیرا??طم عمران خان دی اڳواݨی اچ تھئے۔ انہاں آکھیا جو کے پی کے اچ بلدیاتی انتخابات 19 دسمبر کوں تھیندے پی?? ڄݙاں جو پنجاب اچ بلدیاتی ایکٹ ک??ھ ݙینھ اچ منظور تھی ویسی جیندے نال صوبے اچ وی بلدیاتی الیکشن دی راہ نکلسی اتے ویلج کونسل دا نواں سٹرکچر آسی، پنجاب بلدیاتی ایکٹ تے اتحادیاں نال ڳالھ مہاڑ وݙی مثبت رہی اے۔ انہاں آکھیا جو آندے بلدیاتی انتخابات الیکٹرانک ووٹنگ مشین (ای وی ایم) تے ہی تھیسن، ایندے تے کوئی ٻہوں وݙا خرچہ نئیں تھیوݨا، ایندے کیتے صوبائی حکومت پہلے ہی ترمیم کر ݙتی اے، ای وی ایم دے معاملے تے الیکشن کمیشن آف پاکستان وی اقدامات شروع کر ݙتن جیڑھی جمہوریت اتے ملکی اداریاں سودھا پارلیمنٹ دی بالا دستی کیتے ہک چنڳی ڳالھ اے۔ وفاقی وزیر آکھیا جو اپوزیشن کوں ول ول سݙیے ٻھل او ڄاݨ بڄھ تے اصلاحات دو نئیں آندی پئی جو او پراݨے نظام توں ہی مطمئن اے، انہاں کولو کوئی ہک وی چنڳی تجویز کائنی بھل رت ہکا ہے جو انتخابی اصلاحات نہ تھیون۔ انہاں آکھیا جو مہانڳ ڳھٹدا پئے جیندا عام لوکاں کوں فیدہ تھیسی، مہانگ تے اپوزیشن دا شور بے ویلھے دا واڄا اے، اے حالت اڄ مسلم لیگ ن اتے پی??لزپارٹی دے کرتوتاں پاروں ہی تھئی اے، انہاں کوں پتا ککھ نئیں ہوندا ٻس ٻیھ تے تقریراں کریندن، پ?? ڈی ایم آلے اصل اچ ہک تھکیا ہویا پہلوان اے۔
بلدیاتی انتخابات ای وی ایم تے ہی تھیسن، پنجاب اچ ویلج کونسل دا نواں اسٹرکچر آسی، اپوزیشن ڄاݨ ٻڄھ تے انتخابی اصلاحات تے ٻاھندی، وزیر اطلاعات فواد چوہدری دی کور کمیٹی اجلاس تے میڈیا بریفنگ
مضمون کا ماخذ : Aztec خزانے
متعلقہ مضامین
