اسلام آباد۔9اگست (اے پی پی) صدر مملکت ڈاکٹر عارف علوی آکھیا جو پاکستان اتے چین وچال سٹرٹیجک تعاون تے مبنی سانجھے داری ݙو پاسہ تعلقات کوں نویں بلندیاں تئیں ڳھن ویسی۔ پاکستان اچ سی پیک کوں ویلھے تے پورا کرݨ سانڳے پر عزم ہیسے، کجھ دشمن عناصر ایں توں خوش کائنی پر او آپݨی کوششاں اچ کامیاب کائنا تھیسن۔ اے ڳالھیں انہاں پاکستان اچ چین دے سفیر نونگ رونگ دی ملاقات اچ ڳالھ مہاڑ کریندیں ہوئیں آکھی۔ ایں موقع تے پاکستان اتے چین آپسی فائدے سانڳے مختلف شعبیاں اچ ݙو پاسہ تعاون ٻیا ودھاوݨ دے عزم کریندیں ہوئیں خطے اچ امن ،خوشحالی اتے ترقی دے ودھارے سانڳے اجتماعی کوششاں دی لوڑھ تے زور ݙتا۔ ملاقات اچ انفارمیشن ٹیکنالوجی دے شعبے اچ تعاون ودھاوݨ دی لوڑھ تے زور ݙتا ڳیا۔ صدر مملکت داسو اچ جاں بحق تھیوݨ آلے چینی ??ہر??اں دے ٹبر نال تعزیت وی کیتی۔ انہاں آکھیا جو پاکستان اچ مختلف منصوبیاں تے کم کرݨ آلے چینی ??ہر??اں دی حفاظت پاکستان ??ی پہلی ترجیح اے۔ ایں موقع تے چینی سفیر صدرمملکت کوں ݙسیا جو چین پاکستان کوں ایں ہفتے ویکسین دی سٹھ لکھ خوراکاں ݙیسی۔ سال دے چھیکڑ تئیں ݙاہ کروڑ ویکسین دی خوراکاں پاکستان کوں ݙتی ویسن۔
صدر مملکت ڈاکٹر عارف علوی نال پاکستان اچ چین دے سفیر نونگ رونگ دی ملاقات، پاکستان اتے چین وچال سٹرٹیجک تعاون تے مبنی سانجھے داری ݙو پاسہ تعلقات کوں نویں بلندیاں تئیں ڳھن ویسی، صدرمملکت
مضمون کا ماخذ : میگا ملینز
متعلقہ مضامین
