اسلام آباد ۔ 21 فروری (اے پی پی) وفاقی وزیر برائے بین الصوبائی رابطہ فہمیدہ مرزا قومی اسمبلی اچ اپوزیشن دے رویہ دی مذمت کریندے ہوئیں پیپلزپارٹی کوں شدید تنقید دا نشانہ بنڑائے جو سندھ حکومت میڈے اتے میڈے خاندان نال جو کجھ کیتے اوہر کہیں دے سامنڑے اے بھل میں ایوان کوں یر غمال بنڑائے ناں ہی کوئی شور مچائے،میکوں نہ الاونڑ ڈیونڑ کیہڑی جمہوریت دی ریت اے؟پیپلزپارٹی سابق سپیکراں دے ناں گنڑویندے ہوئے میکوں ک??وی?? بھل گئی اے،سراج درانی دی گرفتاری تے شور مچاونڑ آلے میڈی واری کتھاں گم ہن؟ اے گالھ وفاقی وزیر برائے بین الصوبائی رابطہ فہمیدہ مرزا پا??لیمنٹ دے باہرو وفاقی وزیر انسانی حقوق ڈاکٹر شیریں مزاری، وفاقی وزیر پا??لیمان?? امور علی محمد خان، وزیراعظم دے مشیر برائے سی ڈی اے امور علی نواز اعوان اتے بئے پا??ٹی اراکین دے کٹھے میڈیا نال گالھ مہاڑکریندے آکھی۔ انہاں آکھیا جو او سپیکر سندھ اسمبلی دی گرفتاری تے الواونڑ چاہندیاں ہن بھل اپوزیشن میکوں نئیں الوانڑ ڈتا،میڈی واری تے ایوان کوں یر غمال بنڑایا گئے، اے لوک اوں ویلھے کتھاں ہن جڈاں بطور سابق سپیکر قومی اسمبلی میڈی اتے میڈے ٹبر دی جان کوں خطرہ ہا، میڈے گھر تے چھاپے ماریے گین، پا??لیمنٹ اچ اپنڑا موقف ڈیونڑ میڈا استحقاق اے۔انہاں آک??یے جو میں 2008ءتوں 2013ءتئیں پاکستان ہی نئیں پورے جگ اچ اسمبلی دی پہلی خاتون سپیکر رہی بھل اج سپیکراں دے ناں گنڑویندے ہوئیں میڈا ناں تئیں نئیں چاتا۔ انہاںا ٓک??یے جو اپوزیشن عام لوکاں دے حقوق اتے مسلیاں دی گالھ کرنڑ دی بجائے ایوان کوں اپنڑی بدعنوان قیادت دا ورثہ چھکنڑکیتے استعمال کریندی پئی اے،اپوزیشن دی اصلیت ہولے ہولے کھلدی ویندی اے،اج اپوزیشن کوں عالمی عدالت انصاف اچ نواز شریف دے بیان کوں بھارت ولوں بطور ثبوت پیش کرنڑ تے شرم کیوں نئیں آئی؟۔
وفاقی وزیر برائے بین الصوبائی رابطہ فہمیدہ مرزا دی قومی اسمبلی اچ اپوزیشن دے رویہ دی مذمت
مضمون کا ماخذ : apostas quina
متعلقہ مضامین
